13,2 myń túlek UBT-dan shekti deńgeıden óte almady
ASTANA. 5 maýsym. QazAqparat - UBT tapsyrǵan 45 946 adamnyń 13261-i shekti deńgeıden óte almady. Tek 4580 talapker ǵana 100 baldan joǵary jınaı aldy. Ulttyq biryńǵaı testileýdiń eki kúngi qorytyndysyn jarııa etken Ulttyq testileý ortalyǵy osyndaı derekterdi alǵa tartýda.
3 jáne 4 maýsym kúnderi ótkizilgen testileýge 45946 bitirýshi qatysty, sonyń ishinde qazaq tilinde - 31399, orys tilinde - 14547 bitirýshi.
«Aǵymdaǵy jyly qorytyndy attestattaýdy UBT túrinde tapsyrýǵa 99565 bitirýshi tilek bildirgen, onyń ishinde: 68316 bitirýshi qazaq tilinde, 31249 bitirýshi orys tilinde. 2012 jyly testileýge 121059 ótinish berilgen, onyń ishinde qazaq tilinde 82383 bitirýshi, orys tilinde 38676 bitirýshi», - delingen habarlamada.
Eń joǵary nátıje kórsetip, 124 baldy jınaǵan bitirýshiler sany ózgergen joq. Olar: Baltasheva Nazıra Tleýlesqyzy (TJK 719001010) jáne Orynbaeva Altynaı Maratqyzy (TJK 708012025).
