126 mln teńge jymqyrǵan kásiporyn basshysy 6 jylǵa sottaldy
Qarjylyq monıtorıng agenttiginiń málimetinshe, Atyraý oblysy «Jylyoısý» MKK dırektory Alagýzov 2019 jyldyń naýryz aıynan bastap 2021 jyldyń naýryz aıyna deıin monopolııalyq joǵary baǵalardy belgilep, Qulsary qalasy halqyna sýmen jabdyqtaý jáne kanalızatsııalyq qyzmettiń tarıfterin negizsiz kótergen.
«Ol qarajatty asa iri mólsherde jymqyryp, 126 mln teńge zalal keltirgen. Tergeý kezinde atalǵan zalal mólsheri tolyq memleketke qaıtaryldy. Sondaı-aq, tergeý kezinde Qulsary qalasy jáne Jańa Qaraton halqyn sýmen jabdyqtaý qyzmetterine bekitilgen tarıfter 54,4 paıyzǵa tómendetildi», - dep jazdy vedomstvo.
Sot úkimen atalǵan kásiporyn basshysy kináli dep tanylyp, memlekettik mekemelerde materıaldyq jaýaptylyǵy bar basshy qyzmetimen aınalysý quqyǵynan ómir boıyna aıyra otyryp, 6 jyl bas bostandyǵynan aıyrý jazasy taǵaıyndaldy.
QK-niń 63-babynyń talaptaryna saı, taǵaıyndalǵan jaza shartty dep esepteledi.