12,5 trln teńgeniń ornyna 9 trln teńge: 10 aıdyń salyq jospary 72,4 paıyz ǵana oryndalǵan

ASTANA. KAZINFORM – Qarjy mınıstrligi jyldyń 10 aıynda jyldyq bıýdjet qalaı atqarylǵany týraly málimet jarııalady.

Resmı málimetten bıýdjettiń kiris jospary 91 paıyz ǵana oryndalǵanyn kórýge bolady. Naqty aıtsaq, josparlanǵan 16 trln 602 mlrd 33,9 mln teńgeniń ornyna 15 trln 112,07 mlrd teńge túsken. 

Onyń ishinde 10 aıda bıýdjetke 12,5 trln salyq túsedi dep josparlanǵanymen, shyn máninde 9,04 trln teńge ǵana salyq túsken. ıAǵnı, jospar tek 72,4 paıyz oryndalǵan. 

Salyq kiristeriniń ishinde tabys salyǵynyń jospary 71,5 paıyz ǵana oryndalyp, 3,6 trln teńgeniń ornyna 2,5 trln teńge kirgen. Al qosylǵan qun salǵynyń jospary 65 paıyzǵa oryndalyp, 6,06 trln teńgeniń ornyna 3,9 trln teńge kirgen. 

Al tsıfrlyq maınıngtiń tólemaqy jospary 4, 2 mlrd teńge dep belgilengen. Ol jospar tek 81, paıyz oryndalyp, 3,4 mlrd teńge túsken. 

Munaıǵa salynatyn kedendik áketý bajynyń jospary 1,3 trln teńge dep belgilenip, 84,7 paıyz ǵana oryndalǵan. Atqarylǵany – 1,1 trln teńge. 

Keden tólemderiniń jospary 1,8 trln teńge bolady dep josparlanǵanymen, 87,9 paıyz ǵana oryndalyp, 1,5 trln teńge bolǵan. Onyń ishinde Eýrazııalyq ekonomıkalyq odaq týraly shartqa sáıkes tólengen kedendik bajdardyń jospary 60,1 paıyz ǵana oryndalǵan.

Buǵan deıin Qarjy mınıstriniń orynbasary Erjan Birjanov Májiliste ótip jatqan Úkimet saǵatynyń aldynda shetelden 3 jylǵa deıingi jańa kólikterdi elge ákelýdiń jańa tártibi týraly pikir bildirgen bolatyn.