123 jastaǵy bolıvııalyq ǵalamshardyń eń qart adamy tanyldy
ASTANA. 19 tamyz. QazAqparat - Bolıvııada turatyn ǵalamshardyń eń qart adamy jýyrda óziniń 123 jasyn atap ótti.
Associated Press-tiń habarlaýynsha, Karmelo Flores Laýra Tıtıkaka kólinen alys emes jerde ornalasqan aýylda jer edendi jáne saban shatyrly lashyqta turady. Ol qoltaıaqsyz óz betimen júrip-turady jáne únemi koka ósimdiginiń japyraǵyn shaınaıdy.
Qujat boıynsha Flores Laýra 1890 jyldyń 16 shildesinde dúnıege keldi. Qarttyń ózi onyń jasy «100-ge jýyq nemese odan kóp» bolýy tıis dep málim etýde. Ol óziniń uzaq ómir súrýin kúndelikti kóp júretinimen, asqa kúrishti nemese kespeni paıdalanbaıtynymen túsindirýde. Esesine qoı eti men arpanyń dánin súıip jeıdi. Sýdy Flores Laýra bıik taýlardan keletin kózderden ǵana paıdalanady, alkogoldi múldem tutynbaıdy. Qarttyń sózine qaraǵanda, ol eshqashan aýyr syrqattanyp kórmegen.
Aıta keteıik, aǵymdaǵy jyldyń maýsymynda 116 jasta bolǵan Jerdiń eń qart adamy Dzıroemon Kımýranyń óliminen keıin, eń uzaq ómir súrýshi adam retinde 115 jastaǵy japondyq áıel Mısao Okava tanylǵan bolatyn. Ǵalamsharda buryn-sońdy uzaq ómir súrgen adam retinde 1997 jyly 122 jasynda kóz jumǵan frantsýzdyq áıel Janna Lýıza Kalman sanalady.
