1215 tonna Qazaqstan bıdaıy Qytaıdyń Lıanıýngan portyna jetti
ASTANA. QazAqparat - Qazaqstan bıdaıy Qytaıdyń Lıanıýngan porty arqyly shetelge eksporttalady. Bul týraly People Daily saıty habarlady.
5 aqpan kúni 1215 tonna Qazaqstan bıdaıyn tıegen arnaıy astyq tasıtyn júk poıyzdary Lıanıýngan portyna jetken. Bul bıdaı Lııanıýngan portynan teńiz joly arqyly Vetnamǵa jóneltilmek.
«Aldaǵy eki aıda, shamamen Qazaqstan bıdaıyn tıegen 4 júk poıyzy Lıanıýngan porty arqyly teńizge shyǵady. Bul Qazaqstan temirjoly men Qytaı temirjolynyń qoldaýynyń arqasynda júzege asyp otyr. Qytaı tarapy temir jol tarıfin 30 paıyzǵa jeńildetti. Bul Qazaqstan astyǵynyń ózindik qunyn edáýir tómendetip otyr», dep jazady derekkóz.
Eske sala keteıik, ótken jyly alǵashqy 720 tonna Qazaqstan astyǵy Lıanıýngan portynan Vetnamnyń Hoshımın portyna jóneltilgen edi.
Lıanıýngan teńiz porty Qytaıdaǵy temirjol baǵdarymen tikeleı baılanysqan álemdegi iri porttardyń biri sanalady.
