1200 jyl jatqan taza sý tabyldy
ASTANA. QazAqparat - Grýzııanyń Kahetııa aımaǵyndaǵy Kvarelı degen jerde V ǵasyrdaǵy qala orny- na júrgizilgen arheologııalyq qazba jumystary barysynda sharap quıýǵa arnalǵan kvevrı ydysy tabyldy. Onyń ishi taza sýǵa shópildep tolyp tur eken, dep jazady «Egemen Qazaqstan» gazeti búgingi sanynda.
Al qumyra syrtyndaǵy jazý onyń VIII ǵasyrda jasalǵanyn kórsetken. Sonda kvevrıge sýdyń quıylǵanyna shamamen 1200 jyldaı merzim bolǵany aıǵaqtala túsedi. Arheologııalyq ekspedıtsııa nyń jetekshisi Nodar Bahtadzeniń aıtýynsha, «Djordjıan Ýoter end Paýer» kompanııasy júrgizgen zert hanalyq tekserýdiń nətıjesinde shamamen 1200 jyldan astam ýaqyt ydys ishinde turǵan sý barynsha taza, tipti, ishýge de əbden jaramdy bolyp shyqqan. Sýdyń quramynan eshqandaı bakterııa tabylmaǵan. Taǵy bir anyqtalǵany, ol jańbyrdyń emes, bulaqtyń sýynan alynǵan.
Ekspedıtsııa basshysy sýdy ózi iship kórgenin jetkizgen. Onyń shamaly bóligin jergilikti patrıarhııa ókilderi de alyp ketken. Dinı qyzmetkerler sýdy sonsha ma jyldar aralyǵynda qasıetti bolyp ketkenin, sondyqtan osy kezge deıin taza qalpyn saqtap kelgenin aıtady.
