120 jyl buryn jasalǵan qarýmen adam óltirmek bolǵan kásipker ustaldy
Aqmola oblystyq Polıtsııa departamenti baspasóz qyzmetiniń málimetinshe, bıylǵy 29 qańtarda Sandyqtaý aýdandyq polıtsııa bólimine aýdandyq aýrýhananyń feldsheri habarlasyp, Nur-Sultan qalasynyń 55 jastaǵy turǵyny oq jaraqatymen jetkizilgenin aıtqan.
«Polıtsııa qyzmetkerleri qolǵa alǵan jedel-izdestirý sharalary barysynda kúdikti ustaldy. Ol buryn sottalmaǵan 58 jastaǵy jeke kásipker, aýdandaǵy aýyldardyń biriniń turǵyny bolyp shyqty. Kúdiktiden 1895 jylǵy úlgidegi «Nagan» revolveri men oq-dárisi tárkilendi. Qylmysqa qosylyp araq ishken ekeýiniń arasynda týyndaǵan janjal sebep bolǵan», - dedi vedomstvodan.
Polıtsııa departamentiniń baspasóz qyzmetinen atap ótkendeı, osy oqıǵaǵa baılanysty Sandyqtaý aýdandyq PB tergeý bólimi Qylmystyq kodekstiń 24-baby 3-bóligi, 99-baby 1-bóligi «adam óltirýge oqtalý», Qylmystyq kodekstiń 287-baby 3-bóligi «qarýdy zańsyz ıemdený, berý, ótkizý, saqtaý, tasymaldaý nemese alyp júrý» boıynsha sotqa deıingi tergeý sharalaryn júrgizýde. Kúdikti qamaýǵa alyndy.