120 jyl buryn alynǵan kitap mektep kitaphanasyna qaıtaryldy
ASTANA. QazAqparat - Ulybrıtanııadaǵy Hereford mektebiniń kitaphanasyna HІH ǵasyrdyń aıaǵynda alynǵan kitap qaıtaryldy. Kitapty ýaqytynda qaıtarmaǵany úshin kitaphana aıyppul salǵan da joq.
1886 jáne 1894 jyldary aralyǵynda Hereford mektebiniń oqýshysy Artýr Boıkott kitaphanadan «Mıkroskop jáne onyń jańalyqtary» kitabyn alǵan, dep jazady sheteldik BAQ.
Dál osy jyldary onyń mollıýskalarǵa arnalǵan alǵashqy ǵylymı maqalasyn jazǵany, keıinirek medıtsına doktory, Koroldik medıtsına qoǵamynyń prezıdenti bolǵany belgili. Alaıda, umytshaq professor kitapty sol kúıi qaıtarmaǵan.
Ǵalymnyń nemeresi Alısa Djıllett kóne zattardy aqtaryp otyryp, taýyp alǵan kitabyn mektepke qaıtardy. Oǵan esh aıyppul salynǵan joq, eger kitaphana erejesine saı aıyppuldy talap etkende, qarjy kólemi shamamen 7,5 myń fýnt (shamamen 600 myń rýbl) bolar edi.
