120 kelilik ziltemirdiń sportshyny qalaı janshyǵany vıdeoǵa túsip qalǵan

ASTANA. QazAqparat - Avstralııadaǵy Kvınslendte sport zalyndaǵy baqylaý kamerasyna 120 kelilik ziltemirdiń 28 jastaǵy Djeıson  Leıtti basyp qalǵany túsip qalǵan.  

Ol jattyqtyrýshysynyń baqylaýynsyz aýyr salmaqty óz erkimen kóterip kórmek bolǵan. Vıdeoda shtanganyń sportshynyń ústine qulap, moınyna qaraı baıaý syrǵyp kele jatqany anyq kórsetilgen.

Zardap shekken azamat oqıǵany kórgender kómekke kelgenshe 17 sekýnd boıy jantalasýmen boldy, dep habarlaıdy Daily Mail.

Ol dereý aýrýhanaǵa jetkizilip, moınyna tańǵysh salyndy. Jattyǵý zalynyń ıesi Genezıs Moreıfıldiń aıtýynsha, mundaı qaıǵyly oqıǵalar jıi bolyp turady. Ótken aıda ǵana 15 jastaǵy jasóspirim bala 30 mınýtty ziltemirdiń astynda ótkergen. Qazirgi ýaqytta ol aýrýhananyń jansaqtaý bólimshesinde jatyr.