120 kásiptik standart daıyn - Berdibek Saparbaev
NUR-SULTAN. QazAqparat - Qazaqstanda jyl deıin daıyn bolýy tıis standarttyń 120-sy ázir. Bul týraly búgin Salalyq kásiptik standarttardy ázirleý máseleleri boıynsha biliktilik jónindegi ulttyq keńes otyrysynda QR Premer-Mınıstriniń orynbasary Berdibek Saparbaev aıtty, dep habarlaıdy QazAqparat tilshisi.
«Úkimet basshysynyń tapsyrmasyna sáıkes, ekonomıkamyzdyń árbir salasyna qatysty jumys toptary qurylǵan bolatyn. Osyǵan deıin ózderińizben 1-2 kezdesý ótkizdik. Búgingi bizdiń maqsatymyz - sol tapsyrmalardyń qandaı deńgeıde oryndalyp jatqanyn saralaý. Onyń ústine qazirgi tańdaǵy úlken máselelerdiń biri - mamandarymyzdyń sapasyn, biliktiligin arttyrý, qazirgi ekonmıkanyń suranysyna qaraı kásibı deńgeıi joǵary mamandar daıyndaý», - dedi ol.
Osy rette vıtse-premer bıylǵy jyldyń sońyna deıin 480 kásiptik standart ázirlenýi tıistigin eske saldy.
«Qazirgi tańda onyń 120-ǵa jýyǵy daıyndaldy. Aldaǵy 4 aıdyń ishinde qalǵanyn daıyndap bitýimiz kerek. Osy berilgen tapsyrmalardy oryndaý úshin árbir mınıstrlik basshysynyń orynbasarlary óziniń salasyndaǵy kásiptik standartty daıyndaýǵa jaýap beredi», - dedi Berdibek Saparbaev.
