12 jylǵa sottalǵan burynǵy Qorǵanys mınıstri Murat Bektanovtyń úkimi ózgerissiz qaldy

ASTANA. QazAqparat - Áskerı sottyń qylmystyq ister jónindegi apellıatsııa alqasy eks-qorǵanys mınıstri Murat Bektanovqa shyqqan úkimdi qaıta qarap, sheshim shyǵardy, dep habarlaıdy QazAqparat tilshisi.

«Áskerı sottyń qylmystyq ister jónindegi apellıatsııalyq alqasynyń qaýlysymen úkim ózgerissiz qaldy jáne zańdy kúshine endi. Sottalǵan Murat Bektanov jazasyn Abaı oblysynyń Semeı qalasyndaǵy eń joǵary qaýipsizdiktegi qylmystyq-atqarý júıesi mekemesinde óteıdi», - delingen mamandandyrylǵan aýdanaralyq áskerı sotynyń QazAqparat joldaǵan saýalǵa bergen jaýabynda.

Eske salaıyq, byltyr, 21 aqpanda burynǵy Qorǵanys mınıstri Murat Bektanov ustalyp, ýaqytsha ustaý ızolıatoryna qamalǵan edi.

Keıin Qańtar oqıǵasy kezinde burynǵy mınıstrdiń zańsyz buıryq bergeni anyqtaldy.

Aıta keteıik, 9 naýryzda burynǵy Qorǵanys mınıstri Murat Bektanov 12 jylǵa sottaldy.