12 jyldyq oqytýǵa jańa oqýlyqtar shyǵarylady - A. Sárinjipov
ASTANA. QazAqparat - Qazaqstanda 12 jyldyq oqytý júıesi birinshi synyptarǵa 2017-2018 jyldary engiziledi. Bul týraly zakon.kz portalynda ótken «Mınıstrge suraq qoı» atty onlaın-konferentsııada QR Bilim jáne ǵylym mınıstri Aslan Sárinjipov málim etti.
«Qazaqstanda 12 jyldyq bilim berýge tolyqtaı 2020-2021 oqý jyldarynda engizý josparlanǵan», - deıdi mınıstr. Onyń sózine qaraǵanda, 12 jyldyq mekteptiń oqýshylary jańa pánderdi oqıdy, úsh tilde erkin sóılep, keń aýqymdy bilimge ıe bolady. «Bul óz kezeginde oqýshylarǵa óz bilimin ómirde qoldanýǵa, ómirdiń kez kelgen jaǵdaılarynda básekege qabiletti bolýǵa septigin tıgizedi. Osyǵan baılanysty otandyq jáne sheteldik tájirıbelerdiń negizinde 12 jyldyq bilim berýge jańa oqýlyqtar shyǵarylady», - dep túıindedi sózin A. Sárinjipov.
