12 jyldyq bilim berý modeline kóshýdi jalǵastyrý qajet - N.Nazarbaev

ASTANA. QazAqparat - 12 jyldyq bilim berý modeline kóshýdi jalǵastyrý qajet. Bul týraly búgin Aqordada ótken QR Úkimetiniń keńeıtilgen quramdaǵy otyrysynda Elbasy Nursultan Nazarbaev aıtty.

«Bilim berý salasynda «Balapan» baǵdarlamasyn júzege asyrýdy, orta bilim berý júıesinde jan basyna qarjylandyrýǵa kóshýdi, 12 jyldyq mektepte bilim berý modeline kezeń-kezeńimen kóshýdi jalǵastyrý qajet», - dedi Elbasy.

Sonymen qatar Memleket basshysy memlekettik balabaqshalardy jekeshelendirmeý qajettigin basa aıtty.

«Tipti, AQSh prezıdenti mektepke deıingi bilim berý memlekettiń basty basymdyǵy ekendigin aıtty. Bizde osy joldan taımaýymyz qajet. al biz bolsaq, ony jekeniń qolyna bermekpiz», - dedi QR Prezıdenti.

Qazaqstan kóshbasshysy óz sózinde jeke balabaqshalar salý isine jan-jaqty múmkindik berý kerektigin atap ótti.