12 jyldyq bilim berý kezinde «Qazaq eli» páni engiziledi
ASTANA. 22 tamyz. QazAqparat - Búginde 12 jyldyq bilim berýge kóshý bastamasy aıasynda bastaýysh, orta jáne jalpy bilim berýdiń mindetti memlekettik standarttarynyń jobasy daıarlandy. Bul týraly búgin Tamyz konferentsııasy aıasynda ótken arnaıy sektsııada 12 jyldyq bilim berýdiń jalpyǵa mindetti memlekettik standartyn ázirleýshi mamandardyń biri, Ybyraı Altynsarın atyndaǵy Ulttyq bilim akademııasynyń vıtse-prezıdenti Ádilhan Dúısebek málim etti.
Onyń habarlaýynsha, jańa standarttar boıynsha bala 6 jastan bastap mektepke baryp oqıdy. Beskúndik oqý baǵdarlamasyna sáıkes, oqýshyǵa baǵa qoıý qarastyrylmaǵan. Sabaqtyń uzaqtyǵy 35 mınýt bolmaq. Al 2-3 synypta ol shet tilderin oqı bastaıdy. 5-shi klass «ótpeli synyp» bolyp sanalady. Sebebi osy kezde balanyń kásibı beıimi anyqtalady. Sol synypta «Qazaq eli» páni de engiziledi. Bul jumys 8-shi synypqa deıin jalǵasady. 9-10-synyptarda «Mamandyq álemine kirispe» atty jańa pánniń negizinde beıindik bilim berý júrgiziledi. «Al 11-12 synyptarda burynǵy oqý-óndiristik kombınattardyń tájirıbesi negizinde oqýshylarǵa naqty bir mamannyń kýáligi beriledi. Osylaısha, biz mektep qabyrǵasynda biraz jumysty bitirip, ýnıversıtette onyń qaıtalanýyna jol bermeımiz. Joǵary oqý ornynda mektep túlegi naqty mamandyq boıynsha bilim alýy shart», - deıdi Á.Dúısebek.
