12 jyl bilim alý - otandyq bilim berý júıesin alǵa jyljytýdaǵy mańyzdy komponentterdiń biri - A.Sárinjipov
ASTANA. 16 jeltoqsan. QazAqparat - 12 jyl bilim alý - otandyq bilim berý júıesin alǵa jyljytýdaǵy mańyzdy komponentterdiń biri. Bul týraly «KTK» telearnasynyń «Halyq qyzmetshisi» baǵdarlamasynda qonaq bolǵan QR Bilim jáne ǵylym mınıstri Aslan Sárinjipov aıtty.
«Álemniń damyǵan elderinde eńbek naryǵyna daıyn bolý úshin barlyq halyq 10 jyldyq bilim alý qajet dep sanalady. Eger siz joǵary bilim alý úshin JOO-ǵa barmaq bolsańyz, onda sizge akademııalyq daǵdyǵa daıyndalý ári ony damytý úshin taǵy da 2 jyl qajet. ıAǵnı, siz aqparattarmen, kitaphanalarda elektrondy resýrstarmen, jeke jumys isteı alýyńyz kerek», - dedi ol.
Bul rette mınıstr Nazarbaev ýnıversıtetin úlgi retinde atap óte kele: «Bizge shetelden bakalavrıat baǵdarlamasy kelgen kezde 11-synypty bitirgen túlekterimiz atalǵan baǵdarlamalardy oıdaǵydaı oqýǵa daıyn bolmaı shyqty. Bizderge qosymsha taǵy bir jyl júrgizýge týra keldi. Kimde-kim daıyn bolsa ári oqyǵysy kelse, onda JOO bazasynda qosymsha taǵy 1 jyl bilim alady. Aıta keter mańyzdy jaıt, avtonomııa alatyn, al olar bastapqyda shaǵyn ǵana aldyńǵy qatarly qazaqstandyq JOO-larda bakalavrıat baǵdarlamasy jaqsartylady jáne qosymsha 1 jyl engiziledi. Osy aralyqta stýdentter atalǵan halyqaralyq talaptarǵa daıyndalyp, tildi úırený úshin qosymsha saǵattar beriledi», - dedi.
Onyń atap ótýinshe, 2015 jyly elimizdiń 12 jyldyq bilim berý júıesine kóshýine baılanysty arnaıy jumys toby eńbek etýde. Aıta keterligi, 12 jyldyq bilim alý júıesine barlyǵy birdeı kóshpeıdi.
«Bul JOO-ǵa túsý úshin daıyndyq jyly bolady. Nazarbaev ýnıversıtetinde 12 jyldyq júıe jumys istegenine 4 jyl bolldy. Qosymsha baǵdarlamalardy oqyǵysy kelgenderge bul jyl óte zor paıda ákeledi», - dedi mınıstr.
