12 jylǵa deıin qamaý: Qazaqstanda medqyzmetkerlerge shabýyl jasaǵandarǵa jaza kúsheıedi

ASTANA. KAZINFORM – Qazaqstanda medıtsınalyq qyzmetkerlerge shabýyl jasaǵandarǵa qatysty qylmystyq jaýapkershilik kúsheıtiledi. Bul týraly depýtat Ashat Aımaǵambetov aıtty.

– Jalpy Qylmystyq kodeks normalaryn qarasaq, jeńil zııan keltirý, soqqy berý jaǵdaılarynda 25-50 táýlik, al aıyppul boıynsha shamamen 200 AEK (786 myń teńge) qarastyrylǵan. Endi, eger sýbekt retinde medıtsına qyzmetkeri – dáriger, medbıke, sanıtar nemese tipti jedel járdem júrgizýshisi qarastyrylsa, jaza úsh jylǵa deıin sozylady, 1000 AEK-ke deıin aıyppul (3 692 000 teńge), 600 saǵatqa deıin qoǵamdyq jumystarǵa tartý bolyp ózgeredi. ıAǵnı sýbekt medıtsınalyq qyzmetker bolǵan jaǵdaıda qylmystyq jaýapkershilik edáýir kúsheıedi, – dedi depýtat Májiliste bergen suhbatynda.

Densaýlyqqa ortasha nemese aýyr zııan keltirilgen jaǵdaıda jaza qatańdaıdy, bul úshin 12 jylǵa deıin bas bostandyǵynan aıyrý qarastyrylǵan. Bul ózgerister medıtsına qyzmetkerleriniń qaýipsizdigin kúsheıtýge baǵyttalǵan.

Aıta keteıik, elimizde jedel járdem felsherlerine qol kóterý, oq atý, balaǵattaý jaǵdaılary jıilep ketti.

Prezıdent te medıtsına qyzmetkerlerine kúsh kórsetkeni úshin jazany kúsheıtýdi tapsyrdy.

Endi medıtsına mamandaryn dóreki naýqastardan qorǵaıtyn vıdeojetondar ázirlenip jatyr.

Keshe Memleket basshysy Qasym-Jomart Toqaev qyzmettik boryshyn úlgili atqarǵany, qıyn-qystaý jaǵdaıda kórsetken erligi men janqııarlyǵy úshin Astana qalalyq jedel medıtsınalyq járdem stantsııasynyń feldsheri Uldana Myrzýandy «Erligi úshin» medalimen marapattady.