12 jyl bolǵan báteńke: Almaty qutqarýshylary nege eskirgen aıaq-kıimmen júr
ALMATY. KAZINFORM - Áleýmettik jelide alpınıst Nurlan Nuralın almatylyq qutqarýshylardyń eskirgen aıaq-kıim kórsetip, beınejazba jarııalady.
- Mine, Almatynyń qutqarý qyzmeti. Olar bertspen 4000 metr qashyqtyqta júredi. Bul aıaq-kıimge 12 jyl bolǵan. Bul taýǵa arnalǵan etikter emes, - deıdi ol beınejazbada.
Jelide jarııalanǵan shaǵymǵa Almaty qalasynyń ákimdigi jaýap berdi.
- Osy jyldyń tamyz aıynda jazǵy kezeńge 211 jup jazǵy berts berildi. Arnaıy normalarǵa sáıkes beretter men taý etikteri jazǵy jáne qysqy kezeńderde bir jyl merzimge beriledi. Qysqy berts, taý etikteri men trekerlerdi satyp alýǵa tıisti qarjy qarastyrylǵan. Qysqy kezeńge daıyndyq sheńberinde qysqy berts jáne taý etikterin satyp alý boıynsha konkýrstyq rásimder júrgiziledi. Kásiporynnyń qutqarýshylary qysqy maýsymnyń basynda qys mezgilinde taý-ken-qutqarý jumystaryn oryndaý úshin qajetti qural-jabdyqtarmen qamtamasyz etiletin bolady. Basylymda kórsetilgen faktilerdi tekserý úshin jeke qurammen jumys júrgizilip jatqanyn jáne qutqarýshylarda taý etikteriniń bolmaý sebepteri anyqtalǵanyn qosymsha habarlaımyz, - dep jaýap berdi Almaty ákimdiginen.
Eske salaıyq, buǵan deıin Almaty ákimi kelesi jyldan bastap lıýkter jańa standart boıynsha jóndeletinin aıtty.
