12 jeltoqsandaǵy Qazaqstandaǵy mańyzdy oqıǵalarǵa sholý

ASTANA

Saǵat 09-00-de Astana qalasynyń tilderi damytý basqarmasynyń uıytqy bolýymen QR Ulttyq muraǵatynda «Rýhanı jańǵyrý» baǵdarlamasy aıasyndaǵy «Alash muraty jáne rýhanı jańǵyrý: sabaqtastyq pen jalǵastyq» atty dóńgelek ústel ótedi.

Saǵat 10-00-de Astana qalalyq máslıhatynyń depýtattary elordadaǵy ekologııalyq qaýipsizdik máselelerin qarastyrady.

Dál osy ýaqytta elimizdiń Parlamentiniń joǵary palatasynda múddeli memlekettik organdarmen «QR-nyń keıbir zańnamalyq aktilerine ekstremızm men terrorızmge qarsy is-qımyl máseleleri boıynsha ózgerister men tolyqtyrýlar engizý týraly» QR zańyn júzege asyrýǵa arnalǵan kezdesý ótedi.

Bul ýaqytta «Úkimet úıinde» Mınıstrler keńesiniń ortaq jıyny da bastalady.

Dál osy ýaqyttan araǵa jarty saǵat salyp Ulttyq mýzeıde «Qazaqstannyń materıaldyq emes mádenı muralaryn zertteý, saqtaý men nasıhattaýdyń ózekti máseleleri» taqyrybyndaǵy dóńgelek ústel jumysyn bastaıdy.

Saǵat 11:00-de Ortalyq kommýnıkatsııalar qyzmetinde «Qazaqstan» RTRK» AQ basqarmasynyń tóraǵasy Erlan Qarınniń qatysýymen baspasóz máslıhaty ótedi.

11:00-de «Marriott» qonaqúıinde «Ekonomıkanyń jańa modeli aıasynda bilikti kadrlar daıyndaý: áleýmettik seriktestermen suhbat» taqyrybynda dóńgelek ústel uıymdastyrylady.

Saǵat 12:20-da Ortalyq kommýnıkatsııalar qyzmetinde Qazaqstanda jappaı sportty damytý máseleleri sóz bolady.

14-00-de «Park Inn» qonaq úıinde «Barsha qazaqstandyqtarǵa arnalǵan qoljetimdi ári sapaly bilimdi damytý keleshegi» taqyrybyna arnalǵan ulttyq semınar bolady.

Araǵa bir saǵat ýaqyt salyp «Rixos President Astana» qonaqúıinde «Ashyq arna» jobasy aıasyndaǵy qorytyndy qoǵamdyq talqylaý ótedi.

Al saǵat 16:20-de Ortalyq kommýnıkatsııalar qyzmetinde «Orta bilim berý memlekettik uıymdary kadrlarynyń biliktiligin arttyrý jáne qaıta daıyndaý» taqyryna arnalǵan baspasóz máslıhaty bolady.

ALMATY

Saǵat 10:00-de «Intersontinental Almaty» qonaqúıinde «Qazyna kapıtal menedjment» AQ bastamalary. Private equity naryǵyn damytý» taqyrynda dóńgelek ústel ótedi.

Al saǵat 11:00-de Biryńǵaı jınaqtaýshy zeınetaqy qorynyń barlyq fılıaldarynda «Zeınetaqy jınaǵynyń saqtalýyna memlekettik kepil» taqyrybyna arnalǵan ashyq esik kúni uıymdastyrylady.

Dál osy ýaqytta Qazaqstanda beıimdi syrǵanaýdy damytý máselesine arnalǵan baspasóz máslıhaty bolady.

Araǵa jarty saǵat ýaqyt salyp Almaty qalasyndaǵy óńirlik kommýnıkatsııalar qyzmetinde Bostandyq aýdanynyń ákimi Saıran Saıfedenov baspasóz máslıhatyn ótkizedi.

Qyzylorda oblysy

Saǵat 11:50-de «Nur Otan» partııasynyń hatshysy Ǵabıdolla Ábdirahymov Qyzylorda oblysyna jumys saparymen barady. Sapar aıasynda ol partııasy tóraǵasynyń tapsyrmalarynyń oryndalýymen, sonymen qatar memlekettik baǵdarlamalardyń júzege asyrylý barysymen tanysatyn bolady.