12 jeltoqsanda «Men salaýatty ómir saltyn jaqtaımyn» atty jastar arasynda respýblıkalyq qoǵamdyq aktsııa bastalady
ASTANA. 25 qarasha. QazAqparat. 2011 jylǵy 12 jeltoqsanda Qazaqstan Respýblıkasy Densaýlyq saqtaý mınıstrliginiń «Densaýlyqqa 20 qadam» is-sharalar jospary sheńberinde búkil respýblıka boıynsha «Men salaýatty ómir saltyn jaqtaımyn» atty jastar arasynda respýblıkalyq qoǵamdyq aktsııa bastalady, dep habarlaıdy baspasóz qyzmeti.
Aktsııa barysynda konferentsııalar, debattar, pikirtalastar, Kóńildiler men Tapqyrlar klýby jáne ózge de sharalar ótkiziledi. Salaýatty ómir saltynyń negizgi aspektileri, táýekel áreketterdiń aldyn alý, salaýatty ómir salty mádenıetine jaqyndaý jáne ár adamnyń óz densaýlyǵyna ortaq jaýapkershiligin qalyptastyrý jaıy talqylanady.
Aktsııa mindeti - jastar arasynda salaýatty ómir saltyn nasıhattaý, aqparattandyrý jáne salaýatty ómir salty máseleleri jóninde qajetti málimetter usyný, oqýshylardy salaýatty ómir saltyn nasıhattaıtyn is-sharalarǵa belsendi tartý, delingen baspasóz qyzmeti taratqan málimdemede.
