12 jeltoqsanda Qazaqstanda ótetin mańyzdy sharalar

ASTANA

Saǵat 9-00-de Forte bank ǵımaratynda Qazaqstan Respýblıkasynyń Qarjy mınıstrligi British Chamber of Commerce in Kazakhstan-men birlesip, «Býhgalterlik esep, aýdıt jáne olardy retteýdegi sońǵy ózgerister» taqyrybynda konferentsııa ótkizedi.

Al saǵat 10-00-de Qazaqstan Respýblıkasy Parlamenti Májilisiniń jalpy otyrysy bolady.

Senatta da osy ýaqytta shara ótedi. Atap aıtqanda, Halyqaralyq qatynastar, qorǵanys jáne qaýipsizdik komıtetiniń músheleri Qazaqstan Respýblıkasynyń 2015-2025 jyldarǵa arnalǵan jemqorlyqqa qarsy strategııasyn júzege asyrý máseleleri boıynsha múddeli memlekettik organdardyń basshylarymen kezdesedi.

Dál osy ýaqytta Konferents-Hollda «Adam quqyǵy jáne ulttyq qaýipsizdikke qazirgi zamanǵy syn-tegeýirinder» taqyrybynda IV Halyqaralyq jastar zańgerlik forýmy óz jumysyn bastaıdy.

10-30-da Senattyń Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń keńeıtilgen otyrysy ótip, onda «EAEO aıasynda aýyl sharýashylyǵy ósimdikteri tuqymynyń aınalymy týraly kelisimdi ratıfıkatsııalaý týraly» zań jobasy talqylanady.

Aqordada «Daryn» memlekettik jastar syılyǵyn tapsyrý rásimi ótedi. Saltanatty shara saǵat 11-00-de bastalady.

Saǵat 11-20-da Senattyń Konstıtýtsııalyq zańnama, sot júıesi jáne quqyq qorǵaý organdary komıtetiniń keńeıtilgen otyrysy bolady. onda esirtki zattarynyń aınalymyna qatysty zań jobasy qaralady.

Al saǵat 12-00-de Aqordada QR Prezıdenti Nursultan Nazarbaev birqatar shetel elshisinen senim gramotasyn qabyldaıdy.

Saǵat 12-20-da Ortalyq kommýnıkatsııalar qyzmetinde Memleket basshysynyń Joldaýyn iske asyrý aıasynda Almaty oblysynyń áleýmettik-ekonomıkalyq damý qorytyndylaryna arnalǵan baspasóz konferentsııasy ótedi. Spıker - Almaty oblysynyń ákimi Amandyq Batalov.

Sonymen qatar osy kúni saǵat 14-00-de Táýelsizdik saraıynda Astana qalasynyń turǵyndary úshin jer máselesine qatysty semınar uıymdastyrylady.

Dál osy ýaqytta Radisson Hotel Astana qonaq úıinde «Daryn» memlekettik jastar syılyǵy laýreattarynyń qatysýmen saltanatty kontsert bolady.

Araǵa 45 mınýt ýaqyt salyp «Nur Otan» partııasynyń ortalyq apparatynda «Nur Otan» partııasynyń úzdik qoǵamdyq qabyldaýy» respýblıkalyq baıqaýynyń qorytyndysy shyǵarylyp, jeńimpazdarǵa qurmet kórsetiledi.

Saǵat 15-00-de Sybaılas jemqorlyqqa qarsy is-qımyl ulttyq bıýrosy brıfıng ótkizedi.

Sonymen qatar, saǵat 15-00-de  Ulttyq ekonomıka mınıstrligi Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý komıtetiniń Astana qalasy boıynsha departamenti kommýnaldyq salanyń problemalyq máseleleri boıynsha azamattardyń qoǵamdyq qabyldaýyn ótkizedi.

Osy ýaqytta elimizdiń Ortalyq saılaý komıssııasynda múmkindigi shekteýli azamattardyń saılaý quqyǵyn qamtamasyz etý máselelerine arnalǵan otyrysy bolady. Sharaǵa Parlament depýtattary, Eńbek jáne halyqty áleýmettik qorǵaý mınıstrliginiń, qoǵamdyq birlestikterdiń ókilderi qatysady. 

Saǵat 15-00-de «№ 10 qalalyq emhanasy» ShJQ MKK-niń bazasynda «Astana - adaldyq alańy» jobasyn júzege asyrý aıasynda birinshi áleýmettik medıtsınalyq zerthananyń resmı ashylýy ótedi.

Saǵat  17-00-de «Nur Otan» partııasynyń Astana qalalyq fılıaly «Tarıh tolqynynda. Kenesary han sarbazdary» ǵylymı konferentsııasyn ótkizedi.

17-00-de Elbasy kitaphanasynyń mýzeı ǵımartynda «Álem halyqtarynyń mýzyka aspaptary», «Qazaqstannyń sporttyq dańqy» atty turaqty tyń ekspozıtsııalardyń ashylý saltanaty ótedi. Olardyń tusaýy Qazaqstan Respýblıkasynyń Táýelsizdik kúnine oraılastyryp kesilmek. Saǵat 19-00-de Memlekettik qyzmet isteri jáne jemqorlyqqa qarsy is-qımyl agenttigi memlekettik qyzmetshilerdiń jumys ýaqytynda negizsiz bógelýine tekserý úshin QR Densaýlyq saqtaý mınıstrligin aralaıdy.

19-30-da Astana qalasanynyń «Nomad City Hall» kontsert-zalynda Astanamyzdyń 20 jyldyq mereıtoıyna arnalǵan «ASTANA ARÝY 2018» Ulttyq baıqaýy ótkiziledi.

19.30-da Astana qalasy ákimdiginiń Memlekettik akademııalyq fılarmonııasynyń úrlemeli aspaptar orkestri Táýelsizdik merekesi qarsańynda «Astana» kontsert zalynda  «Azııa daýysy»  atty  kontsertin tartý etedi

ALMATY

Saǵat 9-00-de Rıksos qonaq úıinde QR Densaýlyq saqtaý mınıstri Eljan Birtanovtyń qatysýymen Kazakhstan Healthcare Forum ótedi.

11-00-de Almaty qalalyq óńirlik kommýnıkatsııalar qyzmetinde aýyl sharýashylyǵy tehnıkalalary úshin lızıngtik qural-jabdyqtardy dıskontty qarjylandyrý taqyrybynda baspasóz máslıhaty bolady.

Al saǵat 11-00-de QR Ulttyq kitaphanasynda fılologııa ǵylymynyń doktory, professor Aıgúl Ismaqovanyń «Alash ádebıettanýy» kitaby tanystyrylady.

Saǵat 14-00-de Qazaqstandaǵy eń iri stýdenttik jataqhanalardyń biri saltanatty túrde ashylady. S.Asfendııarov atyndaǵy Qazaq ulttyq medıtsınalyq ýnıversıtetiniń «Stýdentter úıiniń» ashylý saltanatyna QR Densaýlyq saqtaý mınıstri Eljan Birtanov, Almaty qalasynyń ákimi baýyrjan Baıbek qatysady.

Saǵat 15-00-de Dostyq úıinde QR Táýelsizdik kúnine jáne Memleket basshysy Nursultan Nazarbaevtyń «Uly dalanyń jeti qyry» atty maqalasyn talqylaýǵa arnalǵan dóńgelek ústel uıymdastyrylady.

Saǵat 15-00-de "Almaty Towers" bıznes ortalyǵynda   KASE BAQ ókilderine arnalǵan dástúrli aılyq baspasóz máslıhaty ótedi. Shara barysynda qazaqstandyq bırja naryǵynyń qarashadaǵy jumysy jaıynda statıstıkalyq málimetter usynylady. Spıker - KASE basqarmasy tóraǵasynyń orynbasary Andreı Tsalıýk.