12 jeltoqsanda elimizde Ulttyq densaýlyq kúni ótedi
ASTANA. 11 jeltoqsan. QazAqparat - QR densaýlyq saqtaý mınıstrligi respýblıka boıynsha «Densaýlyqqa 20 qadam» aktsııasyn jalǵastyrýda, dep habarlady vedomstvonyń baspasóz qyzmeti.
Aktsııa sheńberinde halyqqa qyzmet kórsetý ortalyqtarynda, sýpermarketterde jáne ózge de halyq kóp jınalatyn oryndarda salaýatty ómir saltyn qalyptastyrýǵa baǵyttalǵan úgit-nasıhat sharalary ótkizilýde.
12 jeltoqsanda Ulttyq densaýlyq kúni búkil elimiz boıynsha durys tamaqtaný, salaýatty ómir salty jóninde 1 mıllıonǵa jýyq únparaqtar taratylatyn bolady.
Sonymen qatar, medıtsınalyq qyzmetkerler jáne medıtsınalyq oqý oryndarynyń stýdentteri arasynda respýblıkalyq spartakıada jalǵasyp, shaǵyn fýtbol, shahmat, sýǵa júzý, basketbol, arqan tartý, júgirý jáne ózge de sport túrleri boıynsha jarystar ótkizilýde.
Búgingi tańda respýblıkalyq spartakıadaǵa 150 myńnan astam medıtsınalyq qyzmet ókilderi jáne stýdentter qatysty.
