12 jeltoqsan «Alash kúni» dep resmı belgilene me
ASTANA. QazAqparat – Premer-Mınıstr Álıhan Smaıylov Májilis depýtattarynyń 12 jeltoqsandy «Alash kúni» dep resmı belgileý týraly saýalyna jaýap berdi, dep habarlaıdy QazAqparat tilshisi.
«Táýelsizdik kúniniń qarsańyndaǵy 12 jeltoqsandy – «Alash kúni» dep resmı belgileýge qatysty depýtattyq saýalǵa kelesini habarlaımyn. Qazirgi tańda, Qazaqstan Respýblıkasy Prezıdentiniń Jarlyǵymen Saıası qýǵyn-súrgin qurbandaryn tolyq aqtaý boıynsha qurylǵan memlekettik komıssııa jumys isteýde. Memlekettik komıssııa óz quzyretine sáıkes 1920-1950 jyldardaǵy saıası qýǵyn-súrgin qurbandaryn tolyq, zańdy jáne saıası turǵydan aqtaý máselelerimen aınalysýda. Jyl saıyn «Aq jol» partııasynyń bastamasymen uıymdastyrylatyn «Alashqa taǵzym» sherýi men jyldaǵy dástúr boıynsha 31 mamyr – Saıası qýǵyn súrgin jáne asharshylyq qurbandaryn eske alý kúnine oraı joǵary deńgeıde is-sharalar uıymdastyrylýda. Aldaǵy ýaqytta, kóterilgen másele Saıası qýǵyn-súrgin qurbandaryn tolyq aqtaý jónindegi memlekettik komıssııanyń qaraýyna usynylatyn bolady», - dep atap ótedi Álıhan Smaıylov jaýabynda.
