12 jastaǵy sırııalyq bosqyn qyz Brazılııadaǵy Olımpıada alaýy estafetasyna qatysady
ASTANA. QazAqparat - Sırııalyq bosqyn otbasynan shyqqan 12 jastaǵy Hanan Haled Dakka esimdi qyz Brazılııadaǵy Olımpıada alaýy estafetasyna qatysady, dep jazady TASS.
Bul týraly jeksenbi kúni aldaǵy tamyz aıynda Rıo-de-Janeıroda ótetin basty saıysty uıymdastyrshylar habarlap otyr.
«Sırııalyq bosqyn qyzdyń otbasy eldiń soltústik-shyǵysyndaǵy Idlıb qalasynda ómir súrgen. Onda azamattyq soǵys boldy. Osydan keıin olar Iordanııaǵa ótip, keıin Brazılııaǵa kelgen. Bul kúnde San-Paýlý qalasyna turaqtady. Qazirgi ýaqytta qyzdyń anasy taǵy bir balanyń dúnıege kelýin kútip otyr», - delingen «Rıo-2016» uıymdastyrý komıtetiniń habarlamasynda.
Brazılııadaǵy Olımpıada oıyndarynyń estafetasyn ashý qurmeti voleıboldan ulttyq qurama sportshysy, Olımpıada oıyndarynyń eki dúrkin chempıony Fabıana Klaýdınoǵa berilgen.
