12 jastaǵy Muhammed Qurandy jatqa oqýdan álemdik rekord ornatty
ASTANA. 14 shilde. QazAqparat - Úndistannyń Maharashtra shtatynyń Ahmednagar qalasynda Mýhammed Zabıhýlla esimdi bala Qurandy jatqa 12 saǵat ishinde oqyp shyǵyp, álemdik rekord ornatty.
Bul týraly muslim.kz saıty jazdy.
Tańerteńgi saǵat 8-de oqýdy bastaǵan ol, Qurandy keshki saǵat segizde esh múdirmesten jáne kitapqa qaramastan hatym etti. Mýhammed Zabıhýlla Quran Kárimdi 8 aıdyń ishinde jattap alǵan.
Osy jetistigi úshin mektep basshylyǵy oǵan jaqsy syılyq tartý etken. Biraq nendeı syılyq ekendigi aıtylmady. Qazirgi ýaqytta Mýhammed Zabıhýllany Gınnes rekordtar kitabyna engizý ótinishi bildirildi.
Búginde Islam áleminde Qasıetti Qurandy jatqa biletin mıllıonǵa jýyq hafız bar.
