12 jastaǵy qazaqstandyq qyz djıý-djıtsýdan eki dúrkin álem chempıony atandy
ALMATY. QazAqparat - 12 jastaǵy Jibek Qulymbetova «Abu-Dhabi World Jiu-Jitsu Championship-2019» jarysynda brazılııalyq djıý-djıtsýdan eki dúrkin álem chempıony atandy, dep habarlaıdy QazAqparat.
Jibek 32 kelige deıingi salmaqta súr belbeý ıegeri bolatyn. Jalpy alǵanda qazaqstandyq balýan qyz Ispanııa, BAÁ sııaqty memleketterdiń eń myqty degen 5 sportshysymen beldesti. Olardyń barlyǵynda taza jeńiske jetti. Fınalda ol Birriken Arab Ámirlikteriniń atynan óner kórsetken qarsylasyn aýyrtý ádisimen jeńdi.
«Men eki dúrkin álem chempıony atandym. Maǵan qoldaý kórsetken barlyq azamattarǵa alǵysymdy bildiremin. Ásirese, «Sagadat Batyr - QTT» klýbynyń bapkerlerine alǵysym sheksiz. Olar maǵan osyndaı múmkindik jasady. Jeńisimen árıne, qýanyshtymyn. Alǵa, Qazaqstan!»,-dep jazdy Jibek óziniń Instagram paraqshasynda.
Aıta ketetin másele, Jibek Qulymbetova bir jyl buryn Abý-Dabıde ótken osy chempıonatta «altyn» alǵan bolatyn.
Jas sportshy djıý-djıtsýmen Almaty oblysynda Keńes Odaǵynyń batyry, general-maıor Saǵadat Nurmaǵambetov atyndaǵy Sagadat Batyr zalynda eki jyldan beri aınalysyp keledi. Bapkeri Nursultan Orynbasarov. Osy ýaqyt arlyǵynda ol kóptegen respýblıkalyq jáne halyqaralyq jarystardy jeńip úlgerdi.
Avtor: Elaman Turysbekov
