12 jasar shahmatshy Bıbisara Asaýbaevaǵa Reseıde páter berildi
ASTANA. QazAqparat - Qazaqstannan Reseıge kóship barǵan 12 jasar Bıbisara Asaýbaevaǵa Máskeý oblysy Hımkı qalasynan páter berildi, dep habarlaıdy QazAqparat Chess-news-qa silteme jasap.
Endigide shahmattan álem chempıony Bıbisara januıasymen birge eki bólmeli páterde turatyn bolady. Baspana kiltin okrýg basshysynyń mindetin ýaqytsha atqarýshy Dmıtrıı Voloshın tapsyrdy.
Eske salaıyq, qazir Bıbisara Asaýbaeva jarystarǵa RF atynan qatysady. 2016 jyldyń 30 qazany kúni Bıbisara Reseı týynyń astynda synǵa túsip, kezekti ret álem chempıony boldy.
Buǵan deıin Qazaqstannyń shahmat federatsııasy jas daryn ıesiniń Reseı shahmat federatsııasyna aýysýynyń sebebin aıtqan bolatyn. Anyqtalǵandaı, Bıbisara Asaýbaeva men onyń menedjeri ári anasy Lıana Tańjaryqovanyń mundaı sheshim qabyldaýyna qarjylyq máseleler yqpal etken.
Onymen qosa, Reseıdegi shahmat federatsııalary prezıdentteriniń arasyndaǵy anaǵurlym tıimdi jumys isteıtin - Sergeı Nesterov shahmatshy qyzǵa Qazaqstannan Máskeý oblysynyń Shahmat federatsııasyna aýysýdy usynǵan. Máskeý oblysynyń Shahmat federatsııasyna qabyldanǵan shahmatshylar baspanamen qamtamasyz etilip qana qoımaı, Dvorkovıch qonaqjaıynda turaqty túrde ári tegin jattyǵýǵa múmkindik alady.
Baspana jańa salynǵan kópqabatty úıden berildi.
