12 jasar shahmatshy Bıbisara Asaýbaeva kezekti ret álem chempıony boldy
ASTANA. QazAqparat - Bıbisara Asaýbaeva 12 jasqa deıingi qyzdar arasyndaǵy shahmat boıynsha kezekti ret álem chempıony boldy.
Jas sportshyny Feısbýkte Investıtsııalar jáne damý mınıstrligi Indýstrııa jáne týrızm departamentiniń dırektory Marat Iǵalı quttyqtady.
«Asaýbaeva Bıbisara (Reseı-Qazaqstan) 12 jasqa deıin qyzdardyń arasynda shaxmat boıynsha kezekti chempıon ataǵyna ıe boldy! Qutty bolsyn!», - dep jazdy ol.
Eske salaıyq, Bıbisara Asaýbaeva qazir jarystarǵa Reseı Federatsııasynyń atynan qatysady.
Buǵan deıin Qazaqstannyń shahmat federatsııasy jas daryn ıesiniń Reseı shahmat federatsııasyna aýysýynyń sebebin aıtqan bolatyn. Anyqtalǵandaı, Bıbisara Asaýbaeva men onyń menedjeri ári anasy Lıana Tańjaryqovanyń mundaı sheshim qabyldaýyna qarjylyq máseleler yqpal etken.
