12 jasar qyz otqa oranǵan úıden tórt balany alyp shyqty
ASTANA. QazAqparat - Marıı El Respýblıkasyndaǵy Morkınsk aýdanynda altynshy synypta oqıtyn qyz óziniń sińlisi men úsh inisin qutqarǵany úshin «Za otvagý na pojare» medalimen marapattalmaq.
Bul oqıǵa tamyzdyń aıaǵynda Oktıabrskıı kentinde oryn aldy. Órt bastalǵan shaqta úı ishinde bes bala júrgen. Áke-shesheleri bolsa, jumysta. Alaıda 12 jastaǵy qyz asyp-saspaǵan. Kire beriste tútinniń býdaqtap jatqanyn kórgen bette dereý ashananyń terezesi arqyly barlyq balany kezek-kezegimen qolynan tartyp alyp, syrtqa shyǵaryp úlgergen.
Qutqarýshylar órt ornyna kelgende úı lapyldap janyp jatqan. Órt saldarynan úıdiń orny ǵana qaldy. Onyń shyǵý sebebi tekserilip jatyr.
