12 jasar qyzdy azǵyndyqqa ıtermelegen er adam sottaldy

ALMATY. KAZINFORM — Medeý aýdanynyń prokýratýrasy 12 jasar oqýshyǵa azǵyndyq áreketter jasaǵan Túrkistan oblysynyń turǵynyna qatysty sotqa deıingi tergep-tekserý júrgizgen.

Almaty qalasynyń prokýratýrasynyń málimetinshe, tergeý barysynda er adam Astanada bolǵan kezde Telegram messendjeri arqyly Almaty gımnazııalarynyń birinde oqıtyn 6-synyp oqýshysymen tanysqany anyqtaldy. Keıin beınebaılanys kezinde ol jynystyq sıpattaǵy jol berilmeıtin áreketter baıqalatyn ádepsiz sıpattaǵy is-áreketter jasaǵan.

— Almaty qalasynyń kámeletke tolmaǵandardyń isteri jónindegi mamandandyrylǵan aýdanaralyq soty aıyptalýshyny QR Qylmystyq kodeksiniń 124-baby 1-bóligi boıynsha kináli dep tapty. Oǵan 7 jylǵa bas bostandyǵynan aıyrý túrindegi jaza taǵaıyndalyp, qylmystyq-atqarý júıesiniń ortasha qaýipsiz mekemesinde óteý belgilendi. Úkim zańdy kúshine endi, — dep habarlady qalalyq prokýratýradan.

Eske salaıyq, buǵan deıin 6 jasar qyzǵa seksýaldyq sıpattaǵy zorlyq-zombylyq kórsetken aqtóbelik sottalǵanyn jazǵanbyz.