12 jasar qazaqstandyq shahmatshy Serbııada ótken týrnırde 1-oryndy jeńip aldy
NUR-SULTAN. QazAqparat - Serbııada ótken Serbia Chess Open 2021 shahmat týrnırinde 12 jasar qazaqstandyq Danııal Sapenov maksımaldy 9 upaıdyń segizin enshilep, 1-oryndy jeńip aldy, dep habarlaıdy QazAqparat.
Bul jaıynda Qazaqstan shahmat federatsııasy málimet taratty.
Danııaldan bólek, taǵy birneshe otandasymyz atalmysh jarysqa qatysyp, órnekti oıyny úshin baǵaly syılyqqa ıe boldy.
Aıta keteıik, bul ashyq týrnırde áýesqoılar tobynda 30 elden 194 shahmatshy baq synady.
QR erler komandasynyń múshesi, halyqaralyq master Denıs Mahnev Serbia Chess Open 2021 týrnırinde masterler arasyndaǵy kópten kútken grossmeısterdiń 3 upaıyn jeńip aldy.
Eske sala keteıik, eń joǵary shahmat dárejesin alý úshin halyqaralyq grossmeısterdiń 3 normasyn oryndap, 2500 reıtıngine qol jetkizý kerek.
QR jastar quramasynyń múshesi, FIDE áıelder masteri Ksenııa Balabaeva halyqaralyq masterdiń normasyn oryndady.
