12 jasar qazaqstandyq paýerlıftıng boıynsha álem chempıony atandy
ASTANA. 10 qazan. QazAqparat - 12 jastaǵy qazaqstandyq - Nıkıta Tymchenko UPQ nusqasy (Reseıdiń Ulttyq paýrlıftıng qaýymdastyǵy) boıynsha álem chempıony boldy, dep habarlaıdy Vesti.kz.
Qazan aıynyń basynda Ekaterınbýrgte qúsh synasý sport túri boıynsha «Altyn jolbarys» dástúrli festıvali ótti. Ol jeti jyl qatarynan ótip keledi, jáne osy joly oǵan úsh myńnan astam sportshy qatysyp, al kórermender sany on myńnan asyp jyǵyldy. «Altyn jolbarys» «Arnold Klassık Eýropany» basyp ozyp, Eýropadaǵy osyndaı jarystardyń ozyǵy bolyp sanalady.
Týrnır sheńberinde UPQ nusqasy boıynsha álem chempıonaty ótkizildi.
Qaraǵandyǵa jaqyn ornalasqan Temirtaýdyń úsh sportshysy birdeı Ekaterınbýrgte chempıon atandy. Qazaqstan qaýymdastyǵynyń ótinishi boıynsha jarysqa qatystyrylǵan 12 jastaǵy Nıkıta Tymchenko 60 kelige deıingi salmaq dárejesinde óz salmaǵyn kóterip, tıneıdjerler arasynda (14-15 jas) «altyndy» jenip aldy.
Onyń ákesi - Sergeı Tymchenko - 40 jastan 44 jasqa deıingi sportshylar qatysqan «Masters-1» ardagerler dárejesinde óner kórsetken bolatyn. Tymchenkonyń ákesi birden úsh altyn medaldi qorjynyna saldy. Sondaı-aq, ardagerler arasynda onyń jerlesi Rafaıl Valıýllın de qatysyp, «altyn» oljalady.
Tymchenkonyń ákesi qazirgi ýaqytta qazan aıynyń aıaǵynda Praga qalasynda ótetin WPC nusqasy boıynsha álem chempıonatyna daıyndalyp jatqanyn atap aıtamyz.
