12 jasar bala ájesi men atasyna barý úshin júk mashınasyn aıdap ketti
ASTANA. QazAqparat - Saksonııada eki bala 200 shaqyrym jerde turatyn ájesi men atasyna barý úshin áke-sheshesiniń júk mashınasyn aıdap ketken.
Al úılerinen balasyn jáne onyń dosyn tappaǵan ata-analary dereý polıtsııaǵa habarlasýǵa májbúr bolǵan.
Quqyq qorǵaý organdarynyń qyzmetkerleri shuǵyl izdeý salyp, balalardy týystarynyń úıinen tapty.
Anyqtalǵandaı, erli-zaıyptylardyń uly men dosy júk kóligine minip, Bavarııada turatyn ájei men atasyna tartyp ketken. Olarǵa týystaryna jetýi úshin Hemnıts qalasynan 200 shaqyrym jerdi eńserý kerek edi.
Abyroı bolǵanda, joǵalǵan balalar ájeleri men atalarynyń úıinen tabyldy. Olar 200 shaqyrym jerdi eshqandaı oqıǵaǵa urynbaı júrip ótken, dep habarlaıdy piter.tv.
