12 jasar bala Avstralııanyń úshten bir bóligin kólikpen júrip ótken
ASTANA. QazAqparat - Polıtsııa Avstralııany kólikpen kesip ótkisi kelgen jasóspirimdi ustady.
Bul týraly The Sydney Morning Herald jazdy.
Bul oqıǵa týraly tártip saqshylary jeksenbi, 23 sáýirde málim etken. Quqyq qorǵaý organdarynyń qyzmetkerleri senbide tańerteń Jańa Ońtústik Ýels shtatynyń batysynda bamperi súıretilgen avtomobıldi toqtatqan. Tekserý barysynda rýlde 12 jasar uldyń otyrǵany anyqtaldy.
Bala Kendell (eldiń shyǵys jaǵalaýy) qalasynan Pertke (batys jaǵalaý) baǵyt alǵanyn aıtqan. Broken-Hılldi toqtatqansha ol óz betinshe 1300 shaqyrym joldy eńsergen.
Jasóspirimdi tutqyndap, istiń mán-jaıyn anyqtaý úshin polıtsııa bólimine jetkizildi.
