12 tonnadan astam túrli esirtki zattary tárkilendi - ІІM
NUR-SULTAN. QazAqparat – Bıyl zańsyz aınalymnan 12,5 tonna esirtki tárkilendi. Bul týraly Іshki ister mınıstrliginiń ókili Shuǵyla Turlybek aıtty, dep habarlaıdy QazAqparat tilshisi.
«Jyl basynan beri eki myńnan astam esirtki qylmysy anyqtaldy, onyń ishinde 1300 fakti esirtkini satý jáne 360-den astamy esirtkini asa iri kólemde saqtaýǵa qatysty. Zańsyz aınalymnan 12,5 tonna esirtki tárkilendi, onyń arasynda 5 keli geroın, 9,5 tonnaǵa tarta marıhýana, 380 keli gashısh, sondaı-aq 110 keli sıntetıkalyq esirtki bar», - dedi Shuǵyla Turlybek Іshki ister mınıstrligi uıymdastyrǵan aptalyq brıfıngide.
Onyń aıtýynsha, uıymdasqan 8 qylmystyq toptyń joly kesildi jáne 14 jasyryn esirtki zerthanasynyń zańsyz qyzmeti joıyldy.
Budan buryn habarlanǵandaı, bir aptada elimizde 3 myńnan astam qylmys tirkeldi.
