12 taýardyń ózindik qunyn tómendetý úshin astyq baǵasy arzandatylady
«Memleket basshynyń baǵany turaqtandyrý tapsyrmalaryna saı mınıstrliktiń qyzmeti azyq-túlik ónimderin óndirý men bólýdiń birkelki júıesine, saýda ınfraqurylymynyń jumysyna negizdelýde. Birinshi – «forvardtyq satyp alýdy», turaqtandyrý qorlaryn paıdalaný, «aınalym shemasy» mehanızimin qaıta formattaý arqyly naryqty otandyq taýarlarymen tolyqtyrý. Ekinshi - saýda ınfraqurylymyn damytý. Úshinshi - tehnıkalyq jáne ekonomıkalyq turǵydan ishki naryqty qorǵaý. Tórtinshi - saýda jelilerine qoljetimdilikti qamtamasyz etý jáne tıimsiz deldaldardy anyqtaý arqyly óndirilgen ónimdi ótkizýge jaǵdaı jasaý», - dedi birinshi vıe-mınıstr.
Onyń aıtýynsha, óndiris kólemin ulǵaıtý maqsatynda «aınalym shemasynyń» jańa tásilderi aıasynda qant zaýyttary qarjylandyryp, ishki naryqtyń qajettiligi qamtamasyz etiledi. Turaqtandyrý qorlary qyzmetiniń formaty ózgertildi. Bul rette basty nazar maýsymaralyq kezeńde naryqtyq baǵalardyń maýsymdyq aýytqýyn retteý bolady.
«Biz óz kókónisterimizben naryqty sáýir aıyna deıin, ári qaraı shetelden erte pisetin kókónistermen qamtamasyz etemiz. 12 taýardyń ózindik qunyn tómendetý úshin Azyq-túlik korporatsııasy arqyly astyq baǵasy arzandatylady», - dedi Arman Shaqqalıev.
