12 tamyzda Kún tutylady: ony qaıdan kórýge bolady
ASTANA.KAZINFORM - Búgin, 12 tamyzda birneshe eldiń turǵyndary sırek kezdesetin qubylysty, Kúnniń tolyq tutylýyn kóredi. Aı Kúndi tolyǵymen jaýyp, kúndiz aspandy birneshe mınýtqa ymyrtqa batyrady. Bul astronomııalyq oqıǵa jyldyń negizgi aspan qubylystarynyń biri bolady jáne Perseıd meteorlyq aǵynynyń shyńymen sáıkes keledi.
NASA málimeti boıynsha, 12 tamyzda tolyq Kún tutylýy Grenlandııa, Islandııa, Reseıdiń soltústigi, Ispanııa jáne Portýgalııanyń bir bóligi arqyly ótedi. Jartylaı faza Eýropanyń kóp bóliginde, Afrıkanyń soltústiginde, Soltústik Amerıkada jáne Arktıkanyń keıbir aımaqtarynda kórinedi.
Bul oqıǵa eýropalyq baqylaýshylar úshin erekshe qyzyq bolmaq: keıbir aýdandarda kún kókjıekten asyp túsedi, al ol ol kezde Kún betin Aı jartylaı jabady. NASA muny «Kún batqan kezde tutylýdy» kórý múmkindigi dep ataıdy.
Kúnniń batqandaǵy eń ádemi kadrdy qaıdan kórýge bolady?
Eń qyzyqty núkteler Ispanııanyń soltústiginde, Islandııada jáne Portýgalııanyń keıbir bólikterinde ornalasqan. Mysaly, NASA tolyq kórinis bolatyn kezeńdi bylaı eseptegen:
Leon, Ispanııa – shamamen 20:28 - 20:30;
Bılbao -shamamen 20:27;
Saragosa -shamamen 20:29-20:30;
Valensııa -shamamen 20:33;
Reıkıavık - shamamen 17:48.
Qazaqstanda qalaı bolady?
Qazaqstan qalalary 2026 jylǵy 12 tamyzda Kún tutylýynyń kóriný aımaǵyna kirmeıdi. Aıdyń kóleńkeli jolaǵy Qazaqstannyń soltústiginen, kórshi Reseı aýmaǵynan ótip, Taımyr aýdanynan bastalady.
NASA GSFC esepteýi Taımyr aımaǵynan Arktıka arqyly Grenlandııaǵa, Islandııaǵa jáne Eýropaǵa deıingi tolyq fazalyq traektorııany kórsetedi.
12 tamyzda Kún tutylatynyn buǵan deıin jazǵan edik.
Esterińizge sala keteıik, 2022 jylǵy 25 qazanda Qazaqstan halqy eldiń barlyq aýmaǵynda Kún tutylýyn baıqady. Al 2025 jylǵy 8 qyrkúıekke qaraǵan túni keıingi jyldardaǵy eń uzaq tolyq Aı tutylýynyń kýási boldy.
Aıta keteıik, ǵalymdar Kún betiniń tarıhtaǵy eń anyq sýretterin jarııalady.
Perseıdter meteor aǵyny 13 tamyzǵa qaraǵan túni sharyqtaý shegine jetetinin jazǵan edik.
