12 tamyz. Kazinform kúntizbesi. Tulǵalar týǵan kún
Búgin, 12 tamyz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
45 jyl buryn (1981) Qazaqstan Respýblıkasy Qarjylyq monıtorıng agenttigi tóraǵasynyń birinshi orynbasary Ulan Ermuhanuly RAISOV dúnıege keldi.
Almaty qalasynda týǵan. T.Rysqulov atyndaǵy Qazaq memlekettik akademııasyn, Qazaq gýmanıtarlyq-zań ýnıversıtetin bitirdi, , University of Bath, Brunel University London (Ulybrıtanııa) oqydy. Mamandyǵy: memlekettik basqarý.
Eńbek joly: 2004-2006 jyldary QR QM Qarjylyq baqylaý jáne memlekettik satyp alý komıtetiniń baqylaýshy-revızory, 2006-2013 jyldary QR Ekonomıkalyq jáne sybaılas jemqorlyqqa qarsy kúres agenttiginde basshylyq laýazymdarda boldy. 2020-2021 jyldary QR Qarjy mınıstrliginiń Qarjy monıtorıngi komıtetiniń F8 basqarmasynyń basshysy boldy.
2023 qazan aıynan bastap qazirgi qyzmetinde.
39 jyl buryn (1987)Qazaqstan Respýblıkasy Ulttyq ekonomıka mınıstrligi Apparatynyń basshysy Oljas Oljabaıuly SYZDYQOV dúnıege keldi.
2008 jyly S. Seıfýllın atyndaǵy Qazaq agraralyq ýnıversıtetin «Agronomııa», 2010 jyly S. Seıfýllın atyndaǵy Qazaq agrotehnıkalyq ýnıversıtetin «Topyraqtaný jáne agrohımııa», 2010 jyly Qaztutynýodaǵy Qaraǵandy ekonomıkalyq ýnıversıtetin «Esep jáne aýdıt», 2018 jyly «Turan-Astana» ýnıversıtetin «Quqyqtaný» mamandyǵy boıynsha bitirgen.
Eńbek joly: 2008-2009 jyldary S. Seıfýllın atyndaǵy Qazaq agrotehnıkalyq ýnıversıteti Topyraqtaný jáne agrohımııa kafedrasynyń laboranty, 2010-2012 jyldary QR Aýyl sharýashylyǵy mınıstrligi Eginshilikti damytý jáne fıtosanıtarııalyq qaýipsizdik departamentiniń menedjeri, sarapshysy, 2012-2018 jyldary QR Ekonomıkalyq damý jáne saýda mınıstrligi, Qr Ekonomıka jáne bıýdjetti josparlaý mınıstrligi, QR Ulttyq ekonomıka mınıstrligi Ekonomıka salalaryn damytý departamentiniń sarapshysy, basqarmasynyń basshysy, 2018-2019 jyldary QR Ulttyq ekonomıka mınıstrligi Ekonomıka salalaryn damytý departamenti dırektorynyń orynbasary, 2019-2023 jyldary QR Ulttyq ekonomıka mınıstrligi Ekonomıka salalaryn damytý departamentiniń dırektory laýazymyn atqarǵan.
2023 jylǵy shildeden bastap atqaryp keledi.
«Eren eńbegi úshin» medalimen, «Qazaqstan Konstıtýtsııasyna 25 jyl» tósbelgisimen marapattalǵan.
