12 shildege deıin Sberbank salymshylary qarjysyn basqa bankterge aýdara alady

NUR-SULTAN. QazAqparat – Qazaqstandaǵy Sberbank bıylǵy 12 shildege deıin kez kelgen operatsııany júzege asyra alady. Bul týraly QR Qarjy naryǵyn retteý jáne damytý agenttiginiń tóraǵasy Mádına Ábilqasymova málim etti, dep habarlaıdy QazAqparat tilshisi.

«Sberbank máselesine toqtalsaq, 12 shildege deıin bul bank klıentter úshin kez kelgen operatsııany júrgize alady. Onyń ishinde shetel valıýtasyndaǵy operatsııalar da qamtylady», - dedi M. Ábilqasymova Májiliste tilshiler saýalyna jaýap bere otyryp.

Osy oraıda agenttik basshysy atalǵan bank osy merzim aralyǵynda depozıtter men zańdy ári jeke tulǵalardyń salymdaryn, shetel valıýtasyn basqa bankterge aýdara alatynyn aıtty.

«Klıenttiń ótinimi boıynsha salymdardy basqa bankke aýdarý múmkindigi jasalady, ıaǵnı osy operatsııalardyń barlyǵy oryndalady», - dep túsindirdi ol.

Onyń sózine qaraǵanda, al ulttyq valıýtadaǵy operatsııalar sanktsııalar engizilgennen keıin de iske asyryla beredi.

«Reseılik úsh bankten basqa qazaqstandyq bankterge qarajattyń qomaqty somada aýdarylýyn baıqadyq. Tıisti shekteýler bank qyzmetine aıtarlyqtaı yqpal etetinin túsine otyryp, Sberbank Qazaqstan men VTB banki menshik ıesin aýystyrý úshin jańa ınvestor izdep jatyr. Olar bankti ıelenetin áleýetti ınvestordy anyqtaǵannan keıin, QR Qarjy naryǵyn retteý jáne damytý agenttigi AQSh-tyń ókiletti organdarynan ruqsat alýǵa qoldaý kórsetedi, ıaǵnı sanktsııa tiziminen shyǵarý qadamdary júrgiziledi», - dedi Mádına Ábilqasymova.

Budan buryn habarlanǵandaı, agenttik basshysy úsh reseılik bank boıynsha birqatar klıenttiń shottary 3 mlrd teńgege buǵattalǵanyn aıtty.

Sonymen qatar Tsentrkredıt bank sanktsııa tiziminen Alfa-bankti shyǵarý qadamdaryn bastaıdy.