12 shildede Qazaqstan qalalarynda aýa sapasy qandaı bolady
ASTANA. QazAqparat - Beısenbi, 12 shilde kúni Qazaqstan qalalarynyń basym bóliginde jaǵymdy meteorologııalyq jaǵdaı qalyptasady, dep habarlaıdy QazAqparat.
«Qazgıdromet» RMK-nyń málimetinshe, Aqtaý, Aqtóbe, Almaty, Astana, Qostanaı, Qyzylorda, Petropavl, Taldyqorǵan, Taraz, Óskemen qalalarynda jaıly meteojaǵdaı qalyptasady.
Atmosferalyq aýanyń lastanýy tek Atyraý, Pavlodar jáne Shymkent qalalarynda kútiledi.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
