12 shildede el aýmaǵynyń basym bóliginde aptap ystyq bolady
NUR-SULTAN. QazAqparat - 12 shilde kúni el aýmaǵynyń basym bóligine antıtsıklon áserin tıgizedi, sonyń áserinen aýa raıy jaýyn-shashynsyz bolady, dep habarlaıdy QazAqparat Qazgıdrometke silteme jasap.
Respýblıkanyń tek batys, soltústik-batys jáne shyǵys óńirinde atmosferalyq aǵyndardyń ótýine baılanysty keı jerlerde jańbyr jaýady, naızaǵaı jarqyldap, jel kúsheıedi. Tek respýblıkanyń qıyr batysynda ǵana daýyl kútiledi, burshaq jaýýy yqtımal.
Jambyl, Batys Qazaqstan, Qaraǵanda, kúndiz Shyǵys Qazaqstan, tańerteń jáne kúndiz Qyzylorda oblystarynyń keı jerlerinde jeldiń jyldamdyǵy 15-20 m/s jetýi múmkin. Batys Qazaqstan oblysynyń kúndiz keı jerlerinde daýyl kútiledi, burshaq jaýýy yqtımal.
Aqmola, Almaty, Jambyl, Túrkistan, sondaı-aq Soltústik Qazaqstan oblystarynda kúndiz qatty ystyq bolady. Túrkistan, Qyzylorda, Mańǵystaý, Atyraý, Aqtóbe, Qostanaı, Qaraǵandy oblystarynda ystyq, keı jerlerde aptap ystyq kútiledi.
Qyzylorda, Almaty, Túrkistan, Aqtóbe, Qaraǵandy, Shyǵys Qazaqstan, Jambyl oblystarynyń keı jerlerinde joǵary órt qaýpi saqtalady.
