12 shilde kúni Qazaqstannyń bes oblysynda qatty ystyq bolady
ASTANA. QazAqparat - 12 shilde kúni respýblıkanyń basym bóliginde turaqsyz aýa raıy saqtalady, keı jerlerde naızaǵaıly jańbyr jaýady, jel kúsheıedi, burshaq bolýy múmkin.
Tek respýblıkanyń ońtústik jáne ońtústik-shyǵysynda aýa raıy jaýyn-shashynsyz bolady. Bul týraly Qazgıdromet habarlady. Atyraý oblysynyń túnde keı jerlerinde jel 15-20 m/s kúsheıedi, kúndiz oblystyń basym bóliginde jeldiń ekpini 17-22 m/s bolady, jekelengen aımaqtarda naızaǵaı, burshaq jaýýy yqtımal. Qostanaı oblysynyń túnde keı jerlerinde, kúndiz basym bóliginde naızaǵaımen jel 15-20 m/s kúsheıedi. Aqmola, Batys Qazaqstan, Aqtóbe, kúndiz Mańǵystaý oblystarynyń keı jerlerinde jel naızaǵaımen 15-20 m/s kúsheıedi. Soltústik Qazaqstan oblysynyń keı jerlerinde tuman baıqalady. Jambyl, Qyzylorda, keı jerlerde Aqmola, Almaty, Aqtóbe, Qostanaı, Soltústik Qazaqstan oblystarynyń kúndiz qatty ystyq kútiledi. Aqtóbe, Qyzylorda, Ońtústik Qazaqstan, Jambyl oblystarynyń basym bóliginde, Atyraý, Batys Qazaqstan, Qaraǵandy, Almaty, Shyǵys Qazaqstan oblystarynyń keı jerlerinde óte joǵary órt qaýipi saqtalady.
