12 sáýirden bastap AI-92 benzıni men dızel baǵasy ósedi
ASTANA. QazAqparat – QR Energetıka mınıstriniń mindetin atqarýshy Bolat Aqsholaqov elimizde benzın men dızel otynynyń baǵasy sáýir aıynyń qaı kúninen bastap ósetinin aıtty, dep habarlaıdy QazAqparat tilshisi.
Osy oraıda ol tıisti buıryqtyń jobasy búgin jarııalanatynyn málim etti.
«Buıryq búgin jarııalansa, 12 sáýirden bastap kúshine enedi. ıAǵnı 12 sáýirden Qazaqstanda benzın (AI-92 jáne AI-93) men dızel otynynyń baǵasy ósedi», - dedi B. Aqsholaqov Ortalyq kommýnıkatsııalar qyzmetindegi baspasóz máslıhatynda.
Budan buryn habarlanǵandaı, Qazaqstanda benzın men dızel otynynyń baǵasy ósedi.
Osy turǵyda AI-92 jáne AI-93 markaly benzınge baǵa lıtrine 182-187 teńgeden 205 teńgege deıin jetkizilmek, ósim – 11%. Dızel otynynyń baǵasy lıtrine 295 teńgeni quraıdy, ortasha eseppen ósim – 20%. Qazir óńirge baılanysty baǵa 230 teńgeden 260 teńgege deıin bolyp tur.
QR Energetıka mınıstriniń mindetin atqarýshy Bolat Aqsholaqov elimizde janarmaı baǵasynyń ósýine qandaı sebepter áser etip otyrǵanyn aıtty.
