12 sáýirde Qazaqstanda ótetin mańyzdy oqıǵalarǵa sholý

ASTANA

Saǵat 9.00-de «Park Inn» qonaqúıinde «Qazaqstandaǵy áıelder quqyǵy: Múmkindikter men kedergiler» atty aýqymdy konferentsııa ótedi.

Saǵat 10.00-de «Hilton Garden Inn Astana» qonaqúıinde Qorǵanys jáne aeroǵarysh ónerkásibi mınıstrliginiń qoldaýymen «Aqparattyq qaýipsizdikti monıtorıngileý ortalyqtaryn qurý jáne kıbershabýyldarǵa qarsy is-qımyl tájirıbesi» taqyrybynda SOC-FORUM 2018 ótkiziledi.

Saǵat 11.00-de Nazarbaev ortalyǵynda Memleket basshysynyń qatysýymen 100 jańa kitaptyń tusaýy kesiledi.

Saǵat 11.00-de Astana qalasy ákimdiginiń «Qoǵamdyq damý isteri jónindegi basqarmasy» memlekettik mekemesi «Astana jastary» Jastar resýrstyq ortalyǵymen birge Elbasy N.Nazarbaevtyń «Bolashaqqa baǵdar: Rýhanı jańǵyrý» baǵdarlamalyq maqalasynyń 1 jyldyǵyna arnap fleshmob ótkizedi.

Saǵat 11.00-de Astana qalalyq №9 emhanada QR Densaýlyq saqtaý mınıstri Eljan Birtanovtyń tóraǵalyq etýimen alǵashqy medıtsınalyq-sanıtarlyq kómek kórsetýdi damytý taqyrybynda dóńgelek ústel ótedi.

Saǵat 12.20-da Qazmedıaortalyqta Dúnıejúzilik Taý-ken kongressiniń 25 jyldyǵyna daıyndyqqa arnalǵan baspasóz máslıhaty ótedi.

Saǵat 14.00-de L.Gýmılev atyndaǵy Eýrazııa Ulttyq ýnıversıtetinde QR Ǵylymı-zertteý ınstıtýty men JOO-daǵy jas ǵalymdar keńesi tóraǵalarynyń qatysýymen HIII halyqaralyq konferentsııa ótedi.

Saǵat 19.00-de Qazmedıa ortalyǵynyń kınokontsert zalynda «Men jáne meniń ǵaryshym» taqyrybynda Media talks III beıresmı konferentsııa ótedi.

ALMATY

Saǵat 10.00-de Sháken Aımanov atyndaǵy «Qazaqfılm» AQ kınostýdııasynda QR Parlament Senatynyń Áleýmettik-mádenı damý jáne ǵylym komıtetiniń kóshpeli otyrysy aıasynda «Kınematografııa týraly» jáne «Qazaqstan Respýblıkasynyń keıbir zańnamalyq aktilerine kınematografııa máseleleri boıynsha ózgerister men tolyqtyrýlar engizý týraly» QR zań jobalaryn jetildirý men talqylaý taqyrybynda otandyq kınoındýstrııa ókilderimen kezdesý ótedi.

Saǵat 11.00-de Almaty qalasynyń óńirlik kommýnıkatsııalar qyzmetinde «Ataýly áleýmettik kómektiń jańa formatyn engizý boıynsha», «Nátıjeli jumyspen qamtýdy jáne jappaı kásipkerlikti damytýdyń 2017 - 2021 jyldarǵa arnalǵan baǵdarlamasyn júzege asyrý barysy taqyrybynda» baspasóz máslıhaty ótedi.

Saǵat 14.00-de Rixos Almaty qonaqúıinde «Qazaqstandaǵy tikeleı satý naryǵy: Jaǵdaıy, boljamy jáne áleýmettik jobalar» taqyrybynda baspasóz máslıhaty ótedi.

Saǵat 16.00-de QR Ortalyq memlekettik murajaıynda fotosýretshi jáne saıahatshy Nurtaev Taımas Qýanyshulynyń «Jer planetasy: Bul álem qandaı ǵajap!» atty jeke fotokórmesiniń ashylý saltanaty ótedi.

Saǵat 19.30-da «Arman» kınoortalyǵynda «Búgingi frantsýz kınosy» kınofestıvaliniń ashylý saltanaty ótedi.

AQTÓBE

Saǵat 10.00-de Q.Jubanov atyndaǵy Aqtóbe óńirlik memlekettik ýnıversıtetinde (AÓMÝ) «Rýhanı jańǵyrý» baǵdarlamasy aıasynda arnaıy ashylǵan kabınetterge ekskýrsııa júrgiziledi.

Saǵat 10.30-da «Rýhanı jańǵyrý» baǵdarlamasynyń basty baǵyttaryna arnalǵan kórme ashylady: «Týǵan jer», «Qazaqstannyń kıeli jerler geografııasy, «100 jańa esim» jáne «Qazaq tiliniń latyn qarpine kóshýi».

Saǵat 11.00-de stýdentterdiń, magıstranttardyń, aspıranttardyń, doktoranttardyń jáne jas ǵalymdardyń qatysýymen «Jastar, ǵylym jáne ınnovatsııalar» atty HІV Halyqaralyq ǵylymı-tájirıbelik konferentsııasy ótedi.

QYZYLORDA

10:00-de Qyzylorda qalasynda velosporttan jastar arasynda kópkúndik Qazaqstan Respýblıkasynyń chempıonaty bastalady.

ShYMKENT

Saǵat 12:00-de óńirlik kommýnıkatsııalar qyzmetinde Otyrar aýdanynyń ákimi Erlan Aıtahanov ótken jyldyń qorytyndysy men Elbasy joldaýlary aıasynda bıylǵy jyly atqarylatyn josparlary týraly baspasóz máslıhatyn ótkizedi.