12 oblysta órt týyndaý qaýpi bar - Qazgıdromet

ASTANA. KAZINFORM - «Qazgıdromet» RMK-sy sáýirdiń 30-y kúngi kún raıy boljamyn jarııalady.

Kásiporynnyń derekterine qaraǵanda, soltústik-batys tsıklony jáne onymen baılanysty atmosferalyq frontaldy bólikter Qazaqstannyń basym bóligindegi aýa raıyna óz áserin tıgizetin bolady.

Eldiń shyǵysynda, ońtústikte, ońtústik shyǵysta nóser jaýyn jaýady, túnde oblystyń soltústiginde qar aalas jańbyr jaýady. Qazaqstannyń ońtústiginde, ońtústik-shyǵysynda burshaq jaýady. Tek Qazaqstannyń batysynda, soltústik batysynda ǵana kún jaýyn-shashynsyz bolady.

Respýblıka boıynsha jel kúsheıip, ońtústikte, ońtústik shyǵysta shańdy daýyl turady, elimizdiń soltústiginde, soltústik batysynda, batysynda, ortalyǵynda túngi saǵattarda tuman túsedi.

Batys Qazaqstan oblysynyń shyǵysynda, Atyraý oblysynyń soltústiginde, shyǵysynda, Aqtóbe oblysynyń soltústiginde, shyǵysynda, ortalyǵynda, Kostanaı oblysynyń batysynda, soltústiginde, shyǵysynda, Ulytaý oblysynyń soltústiginde, shyǵysynda, Qaraǵandy oblysynyń batysynda, shyǵysynda, Aqmola, Soltústik Qazaqstan oblystarynyń batysynda soltústiginde, ońtústiginde, Pavlodar oblysynyń batysynda, ońtústiginde 3 gradýsqa deıin úsik júredi. Qyzylorda oblysynyń soltústiginde topyraq betinde 3 gradýsqa deın úsik kútiledi.

Qyzylorda, Jambyl, Túrkistan oblystarynda, Almaty oblysynyń soltústiginde, ortalyǵynda, Jetisý oblysynyń batysynda, Atyraý, Aqtóbe, Qaraǵandy, Shyǵys Qazaqstan oblystarynyń ońtústiginde, Mańǵystaý oblysynyń soltústik-shyǵysynda, shyǵysynda, ortalyǵynda, Ulytaý oblysynyń ortalyǵynda, Abaı oblysynyń soltústik-batysynda, ońtústiginde joǵary órt qaýipi kútiledi.

Osyǵan deıin Pákistanda aptap ystyq jahandyq rekordqa jaqyndaǵany týraly jazdyq.