12 oblys joldarynda qaýip kúsheıedi: Qazavtojol júrgizýshilerge eskertý jasady
ASTANA. KAZINFORM - Búgin Aqmola, Abaı, Aqtóbe, Almaty, Qaraǵandy, Qyzylorda, Qostanaı, Jetisý, Pavlodar, Túrkistan, Ulytaý jáne Shyǵys Qazaqstan oblystarynda jańbyr aralas qar jaýyp, keı jerlerde qar kútiledi, dep habarlaıdy Qazavtojol mekemesi.
Osyǵan baılanysty respýblıkalyq avtojoldardyń jekelegen bólikterinde kóriný qashyqtyǵy tómendep, jol beti taıǵaq bolýy múmkin.
-Júrgizýshilerge aýa raıyn eskerip, qaýipsiz araqashyqtyqty saqtaýdy, jol jaǵdaıyna qaraı jyldamdyqty tańdaýdy jáne oqys manevr jasamaýdy usynamyz,-delingen habarlamada.
Osyǵan deıin qyzylordalyq tártip saqshylary óńirde aýa raıynyń kúrt ózgerýine baılanysty júrgizýshilerge eskertý jasaǵan bolatyn.
