12 naýryzdan bastap deńgeıles monıtorıng pılottyq jobany júrgizýge ózgerister enedi
NUR-SULTAN. QazAqparat - Deńgeıles monıtorıng boıynsha pılottyq jobany júrgizýdiń ózgertilgen qaǵıdalary 2021 jylǵy 12 naýryzda kúshine enedi, dep habarlady Memlekettik kirister komıteti.
Buıryqqa ózgerister engizý qajettiligi quqyqtyq qoldaný praktıkasynyń nátıjeleri boıynsha týyndady.
Buıryq negizinen redaktsııalyq jáne naqtylaý sıpatyndaǵy ózgeristerdi qamtıdy, sonymen qatar mynadaı eleýli ózgerister endi:
jobalaý aldyndaǵy jumys úshin merzimdi ulǵaıtý (12 aıdan 18 aıǵa deıin);
pılottyq jobaǵa qatysý úshin salyq tóleýshiler sanattaryn keńeıtý jáne ınvestıtsııalyq basym jobalardy iske asyratyn salyq tóleýshiler úshin pılotqa qatysý múmkindigin berý;
gaz tasymaldaý jáne taý-ken salasyndaǵy salyq tóleýshiler úshin pılottyq jobaǵa qatysý merzimderin aýystyrý;
deńgeıles monıtorıng boıynsha pılottyq joba týraly kelisimdi merziminen buryn jáne ózge de negizder boıynsha buzý múmkindigi.
Atalǵan ózgerister «Deńgeıles monıtorıng boıynsha pılottyq jobany júrgizý qaǵıdalaryn bekitý týraly «Qazaqstan Respýblıkasy Qarjy mınıstriniń mindetin atqarýshynyń 2020 jylǵy 1 shildedegi № 648 buıryǵyna ózgerister men tolyqtyrý engizý týraly» Qazaqstan Respýblıkasy Qarjy mınıstriniń 2021 jylǵy 23 aqpandaǵy № 138 buıryǵymen engizilip, Qazaqstan Respýblıkasynyń Ádilet mınıstrliginde tirkeldi.
Deńgeıles monıtorıng júrgizý tártibin jetildirý jáne jańǵyrtý maqsatynda iske asyrylatyn pılottyq joba Qazaqstan Respýblıkasynda 2020 jylǵy shildede bastaldy.
Qazirgi ýaqytta pılottyq jobaǵa onnan astam salyq tóleýshiler qatysyp otyr.
Deńgeıles monıtorıng iri salyq tóleýshilerdi salyqtyq ákimshilendirýdiń tıimdi modeli bolyp tabylady, oǵan salyqtyq júktemedegi turaqtylyq pen senimdilik, ishki jáne jahandyq naryqtardaǵy kompanııalardyń ınvestıtsııalyq tartymdylyǵyn arttyrý, aıyppuldardyń bolmaýy jáne salyq tóleýshiler úshin ósimpuldardy azaıtý sııaqty negizgi artyqshylyqtar tán.
