Búgin eldegi qaı joldar jabyq

ALMATY. KAZINFORM – «QazAvtoJol» ulttyq kompanııasy eldegi joldardyń qazirgi ahýaly týraly habarlady.

Ulttyq kompanııanyń málimetinshe, aýa raıynyń qolaısyzdyǵyna baılanysty respýblıkalyq mańyzy bar kelesi avtojol ýchaskelerinde qozǵalys shekteldi:

Shyǵys Qazaqstan oblysy

• KAZ-08 «Almaty – Taldyqorǵan – Óskemen – Shemonaıha – RF shekarasy» avtojolynyń 1194-1212-shaqyrymy (Shemonaıha qalasy – RF shekarasy aralyǵy).

Qozǵalys 2026 jylǵy 13 naýryz saǵat 08:00-de ashylady dep boljanyp otyr.

Soltústik Qazaqstan oblysy

• «Qostanaı – Mamlıýtka» avtojoly, 226-406-shaqyrym (Qostanaı oblysynyń shekarasy – Mamlıýtka qalasy);

• «Astana – Atbasar – Jaqsy – Rýzaevka – Sarykól – Qostanaı – RF shekarasy» avtojoly, 346-407-shaqyrym (Jaqsy kenti – Soltústik Qazaqstan oblysynyń shekarasy).

Qostanaı oblysy

• «Qostanaı – Rýdnyı – Denısovka – Komsomolskoe – Qarabutaq» avtojoly, 234-385-shaqyrym (Aqtóbe oblysynyń shekarasy – Denısovka kenti).

Pavlodar oblysy

• «Astana – Shiderti – Pavlodar – Ýspenka – RF shekarasy» avtojolyndaǵy «Qalqaman» jolaıryǵy ýchaskesinde (Qalqaman kentine kireberis pen Astana baǵytyna shyǵar jol) qozǵalys shektelgen.

Aýa raıy

12 naýryzda Aqmola, Soltústik Qazaqstan, Shyǵys Qazaqstan, Abaı, Qaraǵandy, Ulytaý, Pavlodar jáne Qostanaı oblystarynyń keı jerlerinde qar jaýyp, boran soǵady.

– Sol sebepti júrgizýshilerge jyldamdyq rejımi men qaýipsiz araqashyqtyqty qatań saqtap, joldardaǵy aýa raıynyń qolaısyzdyǵyn eskerýlerińizdi suraımyz, - dep eskertti «QazAvtoJol».

Eske salaıyq, sınoptıkter buǵan deıin 12 naýryzda Qazaqstannyń barlyq óńirinde aýa raıyna baılanysty eskertý jasaǵan edi.