12 naýryz. Tulǵalar týǵan kún
Búgin, 12 naýryz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
61 jyl buryn (1963) QR Parlamentindegi QR Úkimetiniń ókili Ermek Ámirhanuly AMANShAEV dúnıege keldi.
Mańǵystaý oblysynda týǵan. 1985 jyly Qazaq Memlekettik ýnıversıtetin bitirdi, fılolog, fılologııa ǵylymdarynyń kandıdaty.
Eńbek joly: 1979 jyly Mańǵystaý oblysyndaǵy Eralıev poselkisindegi orta mektep oqytýshysy, 1985–1986 jyldary Qazaqstannyń Ortalyq Memlekettik mýzeıiniń ǵylymı qyzmetkeri, 1986–1988 jyldary Qazaq Entsıklopedııasynyń ǵylymı redaktory, 1988–1991 jyldary «Jalyn» jýrnalynyń jaýapty hatshysy, 1991–1995 jyldary QazMÝ aǵa oqytýshysy, 1995–1997 jyldary QR Úkimeti apparatynyń jaýapty qyzmetkeri, 1997–2000 jyldary QR Premer-mınıstri keńsesiniń konsýltanty, sektor meńgerýshisi, bólimi meńgerýshisiniń orynbasary bolyp qyzmet atqarǵan. 2000–2002 jyldary Astana qalasyndaǵy mádenıet departamenti bastyǵy, 2002–2003 jyldary Mádenıet Komıtetiniń tóraǵasy, QR Mádenıet, aqparat pen qoǵamdyq kelisim vıtse-mınıstri, 2003–2004 jyldary QR Mádenıet vıtse-mınıstri, 2004–2006 jyldary QR Mádenıet, aqparat jáne sport vıtse-mınıstri, 2006 jyly Prezıdentiniń baspasóz qyzmeti jetekshisiniń orynbasary, 2006–2008 jyldary Astana qalasy ákiminiń orynbasary, 2008 jyly «Qazaqstan temir joly» ulttyq kompanııasy AQ apparatynyń jetekshisi, 2008-2014 jyldary Sh. Aımanov atyndaǵy «Qazaqfılm» AQ prezıdenti boldy. 2014-2019 jyldary Astana qalasy ákiminiń orynbasary qyzmetin atqardy. 2019-2022 jyldary QR Premer-Mınıstri Keńsesi basshysynyń orynbasary — QR Parlamentindegi QR Úkimetiniń ókili boldy.
Qazirgi qyzmetinde 2023 jyldyń aqpanynan bastap.
Mádenıet vıtse-mınıstri jáne «Qazaqfılm» ulttyq kompanııasy» AQ prezıdenti bolǵan E. Amanshaev otandyq kınematografııanyń damýyna jáne salada jańa býynnyń bilikti kadrlaryn daıarlaýda qomaqty úles qosty.
«Qazaqstannyń eńbek sińirgen qaıratkeri» ataǵymen, «Mádenıet qaıratkeri» belgisimen, «Astana», «Qazaqstan Respýblıkasynyń táýelsizdigine 10 jyl» medaldarymen marapattalǵan.
Qazaqstan Jazýshylar odaǵynyń, Qazaqstan Teatr qaıratkerleri odaǵynyń, Kınematografıster odaǵynyń múshesi.
60 jyl buryn (1964) Qazaqstan Respýblıkasynyń memlekettik qaıratkeri Ómirzaq Estaıuly ShÓKEEV dúnıege keldi.
Ońtústik Qazaqstan oblysynda (qazirgi Túrkistan oblysy) týǵan. Máskeý ekonomıka-statıstıka ınstıtýtyn, aspırantýrasyn bitirgen.
Eńbek joly: 1988-1991 jyldary Qazaq KSR Josparlaý komıteti janyndaǵy Josparlaý jáne basqarý protsesterin avtomattandyrý ǵylymı-zertteý ınstıtýtynyń kishi ǵylymı qyzmetkeri, Ekonomıka jónindegi memlekettik komıtet janyndaǵy Qazaq ǵylymı-zertteý ınstıtýtynyń jetekshi ǵylymı qyzmetkeri, 1992-1993 jyldary QR Prezıdenti janyndaǵy joǵary ekonomıkalyq keńestiń keńesshisi, Prezıdenttiń ekonomıka jónindegi keńesshisi, QR Prezıdenti men Mınıstrler Kabıneti apparatynyń qarjy, eńbek jáne halyqty áleýmettik qorǵaý bólimi meńgerýshisiniń orynbasary, 1993-1998 jyldary Ońtústik Qazaqstan oblysy ákiminiń orynbasary, QR Ekonomıka mınıstri, QR Premer-Mınıstriniń orynbasary, «Bank Turan Álem» JAQ basqarma tóraǵasy, Prezıdent Ákimshiligi basshysynyń orynbasary boldy. 1998-2004 jyldarv Qostanaı oblysynyń ákimi, 2004-2006 jyldary Astana qalasynyń ákimi, 2006-2007 jyldary Ońtústik Qazaqstan oblysynyń ákimi, 2007-2009 jyldary QR Premer-Mınıstriniń orynbasary, 2009-2011 jyldary Úkimettiń birinshi vıtse-premeri, 2011-2017 jyldary «Samuryq-Qazyna» UÁQ basqarma tóraǵasy, 2017-2019 jyldary QR Premer-Mınıstriniń orynbasary — Aýyl sharýashylyǵy mınıstri, 2019-2022 jyldary Túrkistan oblysynyń ákimi qyzmetin atqarǵan.
«Qazaqstan Respýblıkasynyń Tuńǵysh Prezıdenti Nursultan Nazarbaev» (2005), «Parasat» (1999), «Barys» (2012) ordenderimen; medaldarmen marapattalǵan.
52 jyl buryn (1972) Qazaqstan Respýblıkasynyń Mońǵolııadaǵy Tótenshe jáne Ókiletti Elshisi Ǵabıt Beıbituly QOIShYBAEV dúnıege keldi.
Almaty qalasynda dúnıege kelgen.
1994 jyly Ál-Farabı atyndaǵy Qazaq Memlekettik Ulttyq ýnıversıtetin, 1999 jyly QR SІM Dıplomatııalyq akademııasyn támamdaǵan.
Eńbek jolyn 1994 jyly QR SІM Ortalyq apparatynda bastap, sol jyly Qazaqstannyń Úrimji qalasyndaǵy (QHR) Pasporttyq-vızalyq qyzmetine issaparǵa joldandy. 1999-2007 jyldary Qazaqstannyń Úrimji qalasyndaǵy (QHR) Pasporttyq-vızalyq qyzmetinde, Qazaqstan Respýblıkasynyń Qytaı Halyq Respýblıkasyndaǵy Elshiliginde túrli dıplomatııalyq laýazymdarda jumysta boldy. 2007-2009 jyldary QR SІM Azııa jáne Afrıka elderi departamentinde birqatar jaýapty laýazymdarda qyzmet atqardy. 2009-2011 jyldary Qazaqstannyń Qytaıdaǵy Elshiliginiń keńesshisi, keńesshi-ýákili bolyp, 2011-2014 jyldary Qazaqstannyń Shanhaı qalasyndaǵy (QHR) Bas konsýly laýazymynda qyzmet atqardy. 2014-2016 jyldary QR SІM Konsýldyq qyzmet departamenti dırektorynyń orynbasary, Jalpyazııalyq yntymaqtastyq departamenti dırektorynyń orynbasary qyzmetterinde boldy. Qazaqstan Respýblıkasynyń Qytaı Halyq Respýblıkasyndaǵy Elshisi laýazymyna taǵaıyndalǵanǵa deıin QR Prezıdenti Ákimshiliginiń Syrtqy saıasat jáne halyqaralyq baılanystar bólimi meńgerýshisiniń orynbasary qyzmetin atqaryp keldi. 2019-2022 jyldary Qazaqstan Respýblıkasynyń Qytaı Halyq Respýblıkasyndaǵy Tótenshe jáne Ókiletti Elshisi boldy.
Qazirgi qyzmetin 2022 jyldyń sáýirinen beri atqaryp keledi.
ІІ synypty Tótenshe jáne Ókiletti Ýákil dıplomatııalyq dárejesi bar. Qytaı jáne aǵylshyn tilderin meńgergen.
50 jyl buryn (1974) Astana qalasynyń jas kórermender mýzykalyq teatrynyń dırektory Ashat Maksımuly MAEMІROV dúnıege kelgen.
Oral qalasynda týǵan. 1995 jyly Batys Qazaqstan memlekettik ýnıversıtetiniń (burynǵy A. S. Pýshkın atyndaǵy Oral pedagogıka ınstıtýty) fılologııa fakýltetin, 1996 jyly T.Júrgenov atyndaǵy Qazaq ulttyq óner akademııasynyń «drama rejısseri» mamandyǵy boıynsha Qazaqstannyń halyq artısi, professor Maman Baıserkenovtiń sheberhanasyn bitirgen.
2008 jyly Sorbonna ýnıversıtetiniń magıstratýrasynda bilim alyp, Frantsııadaǵy Parıj Ulttyq drama óneri konservatorııasynda taǵylymdamadan ótken, 2010 jyly Máskeýdiń ataqty joǵary oqý orny GITIS-te — Reseı teatr óneri akademııasynda «Rejıssýra magıstri» ǵylymı ataǵyn alǵan, 2015 jyly T.Júrgenov atyndaǵy Qazaq Ulttyq óner akademııasynyń doktorantýrasyn támamdap, «Fılosofııa doktory» ǵylymı dárejesine ıe bolǵan.
Eńbek joly: Batys Qazaqstan oblysy halyq shyǵarmashylyǵy ortalyǵynyń bas rejısseri; Qurmanǵazy atyndaǵy Oral mýzyka kolledjiniń «Akterlik sheberlik» bóliminiń meńgerýshisi; Batys Qazaqstan oblystyq qazaq drama teatrynyń rejısseri; T.Júrgenov atyndaǵy Qazaq ulttyq óner akademııasynyń «Teatr óneri» fakýltetiniń dekany; «Qazaqstandy rýhanı damytý qory» AQ vıtse-prezıdenti; «Qazaq áýenderi» AQ prezıdenti; T.Júrgenov atyndaǵy Qazaq ulttyq óner akademııasynyń «Akterlik sheberlik jáne rejıssýra» kafedrasynyń dotsenti (2014 jyldan). 2017 jyly «Qazaqkontsert» memlekettik kontsert uıymyn basqardy. «Astana Mıýzıkl» teatrynyń kórkemdik jetekshisi boldy. Sońǵy taǵaıyndaýǵa deıin M.Áýezov atyndaǵy Qazaq memlekettik akademııalyq drama teatrynyń basshysy boldy. 2018-2019 jyldary T. Júrgenov atyndaǵy Qazaq ulttyq óner akademııasynyń rektory, 2019-2020 jyldary Qalıbek Qýanyshbaev atyndaǵy qazaq memlekettik akademııalyq mýzykalyq-drama teatrynyń dırektory, 2020-2022 jyldary Nur-Sultan qalasynyń jas kórermender mýzykalyq teatrynyń dırektory boldy.
Qazirgi laýazymyn 2022 jyldyń qyrkúıeginen beri atqaryp keledi.
«Qazaqstan Konstıtýtsııasyna 20 jyl» (2015), «Qazaqstan Respýblıkasynyń táýelsizdigine 25 jyl» (2016), «20 jyl Astana» (2018) medaldarymen marapattalǵan. Qazaqstan Respýblıkasy Tuńǵysh Prezıdenti qorynyń syılyǵynyń laýreaty.
49 jyl buryn (1975) VIII saılanǵan Qazaqstan Respýblıkasy Parlamenti Májilisiniń Ekologııa máseleleri jáne tabıǵat paıdalaný komıtetiniń múshesi Erbolat Jalǵasbaıuly SATYBALDIN dúnıege keldi.
Qaraǵandy oblysy, Jezdi aýdany, Mıbulaq aýylynda dúnıege kelgen. 1997 jyly Ó.A.Baıqonyrov atyndaǵy Jezqazǵan Ýnıversıtetin ınjener-qurylysshy mamandyǵy boıynsha aıaqtady. 2022 jyly Qazaqstan-Amerıkandyq erkin Ýnıversıtetin aıaqtady. Biliktiligi — Іskerı ákimshilik magıstri.
Eńbek jolyn 1997 jyly Annensk kenishinde kúrdeli qurylys ınjeneri bolyp bastap, jer asty taý-ken sheberi, keıinnen ýchaske bastyǵynyń orynbasary qyzmetin atqardy.
Ár jyldary «Qazaqmys Korporatsııasy» JShS Jastar odaǵy tóraǵasy, «Jomart» kenishi Kásipodaq komıtetiniń Tóraǵasy qyzmetine saılandy.
2010 jyly «Qazaqmys Korporatsııasy» JShS-niń óńirlik Kásipodaq uıymy tóraǵasynyń orynbasary qyzmetin atqardy. 2013-2018 jyldary «KásipQazaqmys» salalyq kásipodaǵynyń Jezqazǵan fılıaly Tóraǵasy bolyp eńbek etti. 2018-2020 jyldary «Adal Eńbek KZ» JShS-niń atqarýshy dırektory, keıin bas dırektory qyzmetin atqardy. 2020 jyldan bastap Taý-ken-metallýrgııa kásiporyndary jáne aralas óndiris eńbekkerleriniń «KásipQorǵan» salalyq kásiptik odaǵynyń Tóraǵasy. 2016 jyldan beri Ulytaý aýdany, Mıbulaq selolyq okrýgynyń «Qarajar» sharýa qojalyǵynyń basshysy qyzmetinde.
«Qazaqstan Respýblıkasynyń Táýelsizdigine 30 jyl», «Qazaqstan máslıhattaryna 20 jyl» merekelik medaldarymen, Qazaqstan Respýblıkasy Kásipodaqtarynyń Konfederatsııasy tósbelgisimen, «ІІІ-dárejeli Eńbek Dańqy» tósbelgisimen marapattalǵan.
«AMANAT» partııasynyń múshesi.
Sátbaev qalalyq máslıhatynyń VI –shy shaqyrylymynyń depýtaty. Qaraǵandy oblysy máslıhatynyń VII- shi shaqyrylymynyń depýtaty. Ulytaý oblysy qurylǵan soń, Ulytaý oblysy máslıhatynyń depýtaty. Ulytaý oblysy Qoǵamdyq keńesiniń tóraǵasy.
43 jyl buryn (1981) Soltústik Qazaqstan oblysy ákimdiginiń energetıka jáne turǵyn úı-kommýnaldyq sharýashylyq basqarmasy basshysynyń mindetin atqarýshy Janat Ǵabbasuly SADVAKASOV dúnıege keldi.
Soltústik Qazastan memlekettik ýnıversıtetin «ınjener-mehanık» mamandyǵy boıynsha támamdaǵan.
Eńbek jolyn 2003 jylǵy qyrkúıekte «Petropavl aýyr mashına jasaý zaýyty» AQ-da ınjener-qurastyrýshy bolyp bastady.
2007-2010 jyldary oblystyq kásipkerlik jáne ónerkásip basqarmasynyń bas mamany, sodan soń bólim bastyǵy qyzmetterin atqarǵan. 2010-2011 jyldary oblys ákiminiń bas ınspektory bolyp qyzmet atqarǵan.
2011-2015 jyldary oblys ákimi apparaty basshysynyń orynbasary, 2015-2016 jyldary SQO ishki saıasat basqarmasynyń basshysy, 2016-2018 jyldary SQO ındýstrıaldyq-ınnovatsııalyq damý basqarmasynyń basshysy, 2018-2024 jyldary SQO Qyzyljar aýdanynyń ákimi, 2024 jyly SQO Energetıka jáne turǵyn úı-kommýnaldyq sharýashylyq basqarmasy basshysynyń orynbasary bolyp qyzmet etken.
Qazirgi qyzmetin 2024 jyldyń aqpan aıynan beri atqaryp keledi.