12 naýryz kúni elimizde ótetin mańyzdy is-sharalar ańdatpasy
ASTANA. KAZINFORM — Kazinform halyqaralyq aqparat agenttigi 12 naýryz kúni elimizde ótetin mádenı jáne qoǵamdyq mańyzdy is-sharalar ańdatpasyn usynady.
10.00-de Úkimet úıinde kezekti Úkimet otyrysy ótedi.
10.00-de «Baqytty otbasy» oqý ortalyǵynda úkimettik emes uıymdar men belsendi azamattardyń kezekti jınalysyn ótkizý josparlanýda.
10.00-de «Kórme» ortalyǵynda Qazaqstan Respýblıkasyndaǵy aýyl sharýashylyǵyna arnalǵan jabdyqtar men tehnologııalardyń jyl saıynǵy XIX halyqaralyq kórmesi ótedi.
10.00-de «AMANAT» partııasynyń ortalyq apparatynda «Qazaqstandaǵy jeke detektıvtik qyzmetti zańnamalyq retteýdiń problemalyq máseleleri men perspektıvalary» taqyrybynda dóńgelek ústel ótedi.
11.00-de «Aq jol» demokratııalyq partııasynyń keńsesinde salalyq kásip-qaýymdastyqtardyń QR qurylys kodeksiniń jobasyna qatysty usynys-pikirin talqylaý úshin dóńgelek ústel ótedi.
11.00-de ál-Farabı atyndaǵy oqýshylar saraıynda Astana qalasynyń TJ departamenti Almaty aýdany mektepteriniń 10-synyp oqýshylary arasynda "Azamattyq qorǵaý salasynyń bilgiri" zııatkerlik oıynyn ótkizedi.
15.00-de QR Іshki ister mınıstrligi «Qaýipsiz jol» naýqanynyń qorytyndysy týraly onlaın brıfıng ótkizedi.
15.30-da QR Parlamenti Senatynda QR Prezıdentiniń VIII shaqyrylymdaǵy Parlamenttiń ІІ sessııasynyń ashylýynda bergen tapsyrmasyn iske asyrý aıasynda «Kámeletke tolmaǵandardyń qaýipsizdigin jáne quqyqtaryn qorǵaýdy qamtamasyz etýdiń ózekti máseleleri: problemalar jáne olardy sheshý joldary» taqyryby týraly dóńgelek ústel ótedi.
