12 myńnan astam tarazdyq balasyna alıment tóleýden jaltaryp júr
Dál osylaı dabyl qaqqan qalalyq prokýratýra ókilderi ýákiletti organdarmen birge alıment óndirý jáne zańdylyq tártipti qadaǵalaý maqsatynda jıyn ótkizdi.
Keleli keńeste mindetterinen qasaqana jaltaryp júrgen boryshker ákeler sany birneshe myńnan asyp jyǵylatyny aıtyldy.
«Taraz qalasy boıynsha balasyna alıment tóleýden jaltaryp júrgen ata-analar sany 12 myńnan asqan. Aıtalyq qyrkúıek aıynda 10 kún ishinde boryshkerge qatysty ákimshilik is-qozǵalyp, nátıjesinde 8 adam qamaýǵa alynyp, odan bólek 3 jaýapkershiligi joq ákege ákimshilik aıyppul salynǵan. Otbasylyq kishigirim daýdan, úlken memlekettik máselege aınalyp otyrǵan bundaı kıkiljińder qoǵam men bala tárbesine de keri áseri orasan zor», - deıdi Taraz qalasy prokýratýrasynyń bólim bastyǵy Nursultan Tileshov.
Jaýaptylardyń aıtýynsha, boryshkerlerdiń óz mindetterinen jaltarýyna basty sebep – jumyssyzdyq. Sondaı-aq, ata-analardyń jaýapkershiligin arttyrý maqsatynda qala kóshelerine arnaıy bılbordtar ilinse, LED ekrandardan otbasylyq vıdeo jazbalar kórsetilip júr.